ريم طارق خلال التحقيقات: شاكوش كان قاصد يبدد المنقولات

قالت طارق زوجة حسن شاكوش، أمام نيابة أكتوبر الكلية بتاريخ 5 مايو خلال تحقيقات النيابة،  إن زوجها حسن شاكوش قام بالإستيلاء على قائمة منقولاتها ومشغولاتها الذهبية وإيصال الأمنة، وأنها تقدمت ببلاغ راغبة في اتخاذ الإجراءات القانونية حيال ذلك.

ريم طارق في التحقيقات:

وأضافت ريم خلال التحقيقات: يوم 1 مايو الصبح حصل مشاكل بيني وبين جوزي وطردني من البيت، وتاني يوم روحت أنا وماما وولاد خالتي البيت تاني ومرديش يدخلنا وأنا كنت سايبه هناك الدهب بتاعي والقايمة والمنقولات نفسها، وإيصال أمانة هو كاتبه على نفسه بنص مليون جنيه، عشان قال المأذون هياخد فلوس كتير عشان المؤخر وأتكلمنا أنا واهلي معاه وموصلناش لحاجة وعملت المحضر.

وتابعت زوجة حسن شاكوش خلال التحقيقات:انا أتجوزت حسن يوم 10 مارس 2023، والمنقولات عبارة عن أوضة نوم وأوضتين أطفال وسفرة وأنتريه وركنة وأجهزة كهربائية وسجاد ونجف وترابيزات وستائر وتقريبا تمنهم 650 ألف جنيه، ومشغولاتي الذهبية طقم ذهبي - عقد وأنسيال وخاتم - وبردو مش عارفة بكام بس هما 53 جرام.

وأضافت زوجة حسن شاكوش خلال التحقيقات: إيصال الأمانة ده حسن كتبه عشان مكتبش مؤخر في قسيمة الزواج وقالي المسمي بيننا وقال علشان مدفعش فلوس كتير للمأذون، وهو كان قاصد أنه يبدد المنقولات ويسرق حاجتي وكمان إيصال الأمانة.

وقررت نيابة أكتوبر، صرف ريم صادق من سراي النيابة وطلب حسن شاكوش للإستماع إلى أقواله، وإنتداب المباحث للإنتقال إلى محل الواقعة ومعاينة ما بها من منقولات زوجية وإثباتها في محضر، وإرفاق تحريات المباحث حول الواقعة وظروفها وملابستها.