دمّر الكلى و"فقع" المرارة.. فتاة تنهار في فيديو: أخويا مات بسبب الإندومي الكوري

ظهرت مستخدمة لتطبيق “تيكتوك” تدعى شريهان يوسف على حسابها الشخصي، في حالة انهيار شديد في فيديو توضح فيه أن أخاها عمر صاحب الـ17 عاما، توفي بسبب الإندومي الكوري الحار، بعد أن دمر له الكلى وتسبب في فقع المرارة، وعانى 5 أيام قبل وفاته.

وفاة بسبب الإندومي الكوري:

وقالت شريهان خلال الفيديو: مش عارفة أقول إيه، مش هقول أخويا ده ابني ابن قلبي، أقرب حاجة ليا انتقل إلى رحمة الله تعالى، ما يتعزش على اللي خلقه وربنا يرحمه ويسامحه ويغفر له.

وفي مقطع فيديو آخر بعد أن تساءل عدد كبير من المتابعين عن سبب الوفاة، أوضحت قائلة: الحمد لله والله يسامحه ويرحمه، عيل عنده 17 سنة بيحب الإندومي الكوري الحراق، الشطة بوظتله الكلى وفقعت المرارة 5 أيام وتوفى.

وأضافت: خلو بالكم من عيالكم، ماتكلوش إندومي، وشيروا الفيديو على قد ما تقدروا، ربنا ميكتبها لحد أبدًا، عريس عنده 17 سنة، ما يتعزش على اللي خلقه، الله يرحمه، ادعولي كتير.