منة فضالي تتحدث عن أبطال مسلسل جعفر العمدة.. ماذا قالت؟

أعربت الفنانة منة فضالي عن سعادتها بالتعاون مع الفنان محمد رمضان في مسلسل جعفر العمدة، الذي عُرض في الموسم الرمضاني 2023.

منى فضالي تتحدث عن جعفر العمدة

وتحدثت الفنانة منة فضالي عن التعاون مع الفنانة إيمان العاصي في مسلسل جعفر العمدة، قائلة: "الوحيدة اللي مختلفة عننا إيمان لأن عمرها ما عملت شعبي، وعمرها أبدًا ما عملت الست الحرباية وده بالنسبة لها جديد، وكان في منافسة بين دلال وإيمان العاصي، ومحمد سامي راهن عليها، وسيد لازم ياخد أوسكار".

وعن تعاونها مع الفنان محمد رمضان، قالت منة فضالي:" محمد رمضان متعاون جدًا مع كل طاقم العمل، وبيحب كل الناس، وبيساعد وجميل ودمه خفيف في التصوير، وتحب تتكلمي معاه ومتحدث حلو جدًا، وقاري بشكل كبير، وأنا كنت بصور مع حد محترف زيادة عن اللزوم، والناس فاكره إنه تنك ومغرور بس هو مش كده خالص، وساعات بيكون طالع يغني في الحفلة، وبيذاكر السكريبت وممكن يجي حد يقوله أتصور يقوله مش فاضي عادي، ياخده على إن هو مغرور".

واختتمت منة فضالي حديثها عن وضع اسم أحمد داش قبل اسمها بتتر مسلسل جعفر العمدة، قائلة:" تفاجئنا بالتتر، بس خلاص عدى، ومأهنتش حد خالص، ومجبتش سيرة أحمد داش، وهو ممثل هايل وشاطر، وكنت متخيلة إن إحنا الأربعة البنات مع بعض، تفاجأنا، مش الموضوع تتر، والتترات بتتشال في تالت يوم في رمضان، الموضوع عن الدور".