كشفت عن حقيقة الخلاف مع زينة.. إيمان العاصي: مش عارفه أخرج من شخصية دلال

ردت الفنانة إيمان العاصي على جدل تتر مسلسل جعفر العمدة، قائلة: "مكنش فيه أي خلافات في كواليس مسلسل جعفر العمدة وأتمنى أشتغل مع زينة تاني لأني مشوفتش منها أي حاجة وحشة وهي كانت لوحدها في اللوكيشن لأنها عاشت شخصية عايدة".

تصريحات إيمان العاصي

وأضافت إيمان العاصي، خلال لقائها ببرنامج et بالعربي:: "فكرة الأسماء على التتر دي استفدنا منها إيه؟ التتر هدفه تقدير الناس ورا الكاميرا اللي تعبوا ومحدش شافهم، إنما هعمل إيه لو اسمي اتكتب أول واحدة ومحققتش حاجة؟".

وتابعت: "أنا أخدت مساحة تمثيلية كبيرة وفرصة عظيمة احترمتها وأديت لها كل حاجة عندي، والمسلسل في الآخر بتاع محمد رمضان وهو البطل، سواء حد خرج أو كمل".

وعبرت عن رأيها في شخصية دلال قائلة: "شخصية دلال لبستني ومش عارفة أخرج منها ومش بحب الشر لكن بحب أنها قوية وبفتكر وتخطط وهستخدم المميزات دي في الخير، وهي شخصية مش بتشوف حد غير نفسها ومش بتشوف أنها زوجة تانية".