عمرو مصطفى مهددا بالاعتزال: ابن محسن جابر سرق ألحاني.. وحتاجين حوار وطني للحفاظ على ثقافتنا
هدد المطرب والملحن عمرو مصطفى، بالاعتزال بعد أزمته مع المنتج محسن جابر بسبب تقديمه أغنية أم كلثوم بتقنية الذكاء الاصطناعي، وبعدها اشتعل الخلاف لحد المقاضاة بينهما.
سرقة أغاني عمرو مصطفى لصالح
وقال الفنان عمرو مصطفى خلال مداخلة هاتفية في تصريحات تليفزيونية: "أنا عملت أغاني لكبار نجوم الوطن العربي وللأسف اتسرقت وبتتغني دلوقتي مهرجانات وأنا عايش دون حصولي علي حقوق الملكية الفكرية".
وأضاف: "ابن محسن جابر هو اللى بينتج لحسن شاكوش وسرق لحن ليا عملته لعمرو دياب، ووالده محسن جابر بيتحكم فيا ومش عايزيني أعمل موسيقى عدلة".
مشكلة عمرو مصطفى مع محسن جابر
وتابع:"محسن جابر مش عايزني أعمل موسيقى ترتقى ببلدي ولا عايزني أرتقى بالذوق العام، أنا اتكرمت من الدولة، أنا ملحن أغنية طوبة فوق طوبة وبشرة خير، هو عايز يغلط في العمالقة والجمهور".
عمرو مصطفى يكشف عن احتمالية اعتزاله
وأكد: "لو وصلت إني هاعتزل وأبطل التنازلات المجحفة اللى دمرت الموسيقى المصرية هاعتزل، هو عايزني أخرج برة المضمون ونتفرع علشان يبعدني عن قضيتي الأساسية في الارتقاء بالذوق الموسيقي للشعب، وللأسف أنا معنديش محامين يدافعوا عن حقوقي ياريت ألاقي محامي يقف معايا".
وأوضح: "إحنا قدام مجموعة عايزة تتحكم في الذوق العام والثقافة المصرية وياخدوا ثقافتنا للانهيار التام، لذا أقترح حوار وطني سريع للحفاظ علي هويتنا الثقافية وعدم انهياء الذوق الموسيقي وتركه لأصحاب أجندات، محسن جابر خلى كل أغانيا مهرجانات بدون الرجوع ليا، وورثة الموجي قالولي الحق اعمل حاجة علشان نحافظ علي تراث الموسيقار الراحل".
