"زوجي في اللوكيشن مختلف تمامًا".. مها نصار تكشف أسرارها لـ إيمان الحصري
حلت الفنانة مها نصار ضيفة في برنامج “مساء dmc” مع الإعلامية إيمان الحصري، وكشفت عن العديد من الأسرار في حياتها وكواليس الثلاث أعمال التي شاركت بهم في موسم رمضان 2023، وهم: مسلسل “سوق الكانتو”، “ضرب نار”، “تحت الوصاية”.
وفي السطور التالية يرصد لكم “مصر الآن” أبرز تصريحات مها نصار خلال الحلقة
- وأنا صغيرة كنت بقول دايمًا إني هكون ممثلة ومكنتش شايفة نفسي في حاجة تانية.
- اشتغلت عارضة أزياء أول ما بدأت وبعدين دخلت في مجال الإعلانات.
- قدمت في معهد التمثيل ومكملتش وبعدين درست بيزنس عشان خاطر والدتي.
- زوجي حسين المنباوي مختلف تمامًا داخل اللوكيشن.
- زوجي مش هيرشحني في دور إلا لو مش شايف حد غيري يعمله.
- بحب ركوب الخيل ومش بحب الجيم عكس زوجي.
- بمثل بقالي حوالي 10 سنين من أول مسلسل سرايا وبعده كان واحة الغروب.
- واحة الغروب يعتبر بدايتي مع المخرجة الجميلة كاملة أبو ذكري.
- كاملة أبو ذكري أصرت على اختياري للدور ده فيواحة الغروب رغم إنها كانت محتاجة بنت بشرتها سمرا.
- انبهرت بسيناريو تحت الوصاية ومكنتش عارفة موضوع القضية وكلمت أختي محامية عشان أفهم.
- منى زكي إنسانة جميلة وفي اللوكيشن أجمل بكتير.
- الشغل مع المخرج محمد شاكر خضير ممتع جدًا.
- مشهد القطار لما كنت بستخبى من دياب كنت فرحانة وأنا بمثله.
- وكنت مستنية مشهد القطر عشان كان في دماغي ساعتها فيلم نهر الحب وفيلم الهروب مشاهد القطار.
- فكرة تقديم 3 أعمال مع بعض مرهقة جدًا ومش ممكن هكررها تاني.
-ساعات كنت باجي من دمياط على المدينة أصور سوق الكانتو وبعدين أروح شبرا عشان ضرب نار.
- الموضوع ده خلاني مضغوطة وعصبية طول الوقت.
