برلنتي عامر لـ "مصر الآن": اللي اتهمتني أنا وسعد الصغير باقتحام منزلها معهاش ورقة تثبت إنها كانت متجوزاه
ترددت خلال الساعات الماضية، أنباء عدة تفيد بإلقاء الأجهزة الأمنية بالجيزة القبض على المطرب الشعبي سعد الصغير وزوجته برلنتي عامر الأثنين الماضي، في ضوء البلاغ المقدم من سيدة رانيا صالح تدعي أنها طليقته، ضدهما وتتهمهما بالتعدى عليها واقتحام مسكنها بالقوة بمنطقة حدائق الأهرام.
برلنتي عامر قالت خلال تصريحات خاصة عبر "مصر الآن": محصلش حاجة من دي، وأنا هتجنن مش فاهمة حاجة من اللي بتتقال، أولا دي مش طليقته ومعهاش حتى ورقة تثبت إنها كدة، ومفيش ولا فيديو يثبت إننا اقتحمنا منزلها أو اعتدينا عليها.
وأضافت: البنت بتشتغل في كبارية، ومبارح في النيابة سألوها فين القسيمة قالتلهم دا عقد جواز عرفي وضاع مني، وكمان الشهود أما إتسألت عنهم قالت مش فاكراهم، وأصلا سعد عاملها قضية تشهير قبل كدة.
والدة برلنتي عامر: سعد وبرلنتي كانوا مع بعض وقت الإشاعة
ومن جانبها، تحدثت والدة برلنتي عامر عبر "مصر الآن"، عن تفاصيل ما حدث قائلة: كل شوية سيرتنا تيجي في مشكلة وإشاعات، أولاً الست دي مش زوجة سعد ومعهاش أي حاجة تثبت، ولما محامي سعد لمس كدة، قال لوكيل النيابة إنها بتعمل كدة عشان عاوزة فلوس، مش أي حد يجي يقول على حد إنه متجوزه أو ضربه يبقى صح.
وأكملت: جيبالي صورة وهما في مدخل عمارة بيركبوا أسانسير هو دة دليل إنهم ضربوها؟، في الكاميرات مجابتش دا لي أو فين الشهود اللي كانوا واقفين.
واستطردت: المحامي قال في النيابة إنها شكوى كيدية، ومعهاش أي دليل، واحنا مبارح اتفاجئنا بالإشاعة اللي طالعة إنها اتقبض عليها، وسبحان الله كنا بنقراها وسعد عندنا طول الليل، طبعا إشاعة.
وأردفت: لما اتصلت بالمحامي قالي لا دا هما كانوا عاوزينه يجي يعمل محضر عدم تعرض، فهو قالهم هي مقدمتش حاجة عشان نعمل عدم تعرض.
واختتمت: أكيد بتعمل كدة عاوزة فلوس أو متغاظة من برلنتي إنها هي وسعغد مهما يتخانقوا بيرجعوا فهي عوزة سعد يكون معاها ويرجعلها فقالت تعمل كدة.
