بعد كشف بسمة بوسيل سبب انفصالها عن تامر حسني.. جليلة المغربية : ظلمتوني وقولتوا عني خرابة بيوت

علقت جليلة المغربية على أزمة تامر حسني وبسمة بوسيل ومديرة أعماله هالة عمر، بعدما كشفت بسمة أن هالة عمر هي السبب الأساسي في طلاقها من زوجها والد بناتها.

تعليق جليلة المغربية على أزمة بسمة بوسيل وتامر حسني

كتبت جليلة المغربية عن أزمة بسمة بوسيل وتامر حسني عبر خاصية استوري التابعة لصفحتها الرسمية بموقع انستجرام: «الحمد لله ظهر الحق وزهق الباطل أن الباطل كان زهوقًا.. حسبي الله ونعم الوكيل في كل من ظلمني وقال ما ليس فيني والحمد لله أن الحق بان».

وأضافت: «عرفتوا أني مالي علاقة بالموضوع نهائيًا، تعرضت لجميع أنواع السب والشتم والقذف بموضوع أنا بريئة منه ورب العالمين أظهر الحق وبين الحقيقة أمامكم كلكم.. عشان ما ترجعوا تظلموني وتقولوا عني خرابة بيوت وتذكروا دائمًا أن الظلم ظلمات».

وكان الجمهور قد وضع احتمالية أن تكون جليلة المغربية هي السبب في طلاق تامر حسني وبسمة بوسيل، بعدما أكدت: "عشت معه قصة حب لمدة 11 سنة، ولا هو عيب ولا حرام، ليه عمالين يقولولي أني خرابة بيوت، وعلاقتي بيه متقطعتش بعد زواجه، وكان لازم أرد لما اتسبيت في شرفي والموضوع وصل لأهلي".

بسمة بوسيل تكشف سبب طلاقها من تامر 

كشفت المغربية بسمة بوسيل، طليقة الفنان تامر حسني، عن سبب الإنفصال، حيث أعربت عن عضبها من مديرة أعمال زوجها، مؤكدة أنها السبب الأساسي في طلاقها والد بناتها.

نشرت بسمة بوسيل خلال خاصية استوري عبر موقع تبادل الصور والفيديوهات انستجرام، صورة لطليقها تامر حسني مع مديرة أعماله هالة عمر، من حفل زفافها، وعلقت: "حسبي الله ونعم الوكيل فيكي يا هالة".

وأضافت بسمة بوسيل: "احترام العشرة، بيبتدي بإحترام مشاعر غيرك، بالذات لو كان سبب رئيسي في خراب بيتك، وهدم حياة أولادك، إلغاء متابعة إلى الأبد".

وصُدم الجمهور من الاستوري الخاصة ببسمة بوسيل، بعدما خرجت عن صمتها، وأوضحت أن مديرة أعمال زوجها الفنان تامر حسني بسبب رئيسي في انفصالهم.

بسمة بوسيل عبر انستجرام

وجاء ذلك، بعدما أحيى تامر حسني حفل زفاف مديرة أعماله، ونشر فيديو عبر حسابه الشخصي على انستجرام من حفل زفاف هالة عمر،: "لـ كل اللي بيسأل عن وجة القرابة بيني وبين العروسة الجميلة دي، شايف اسأله كتير انا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الانترنت ومن كتر دفاعها عني لفتت نظري ومرة رديت عليها شكرتها".

وتابع تامر حسني: " لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جدًا في بداياتي فا اتصدمت أن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنه".

تامر حسني
وأضاف تامر حسني: "وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب".

وأستكمل: "فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله".

تامر حسني عبر انستجرام
وأختتم تامر حسني حديثه قائلًا: "ومن اللحظه دي اتحولت هاله لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".