"بقيتي كبيرة المنافقين".. مديرة أعمال بسمة بوسيل تهاجم هالة عمر

وجهت تامي بناني، مديرة أعمال النجمة بسمة بوسيل، رسالة إلى هالة عمر مديرة أعمال الفنان تامر حسني، وذلك بعد هجوم بسمة عليها خلال الساعات الأخيرة الماضية.

ونشرت تامي بناني رسالة لها برفقة بسمة بوسيل وهالة عمر عبر حسابها بموقع تبادل الصور والفيديوهات انستجرام وعلقت:" هالة حبيتي كنت عايزة افكرك بحالك، بقيتي كبيرة المنافقين".

أزمة تامر حسني وبسمة بوسيل

وكانت قد شهدت الساعات الأخيرة الماضية اشتعال الأزمة بين تامر حسني وبسمة بوسيل، حيث كشفت بوسيل أن هالة عمر مديرة أعمال تامر حسني هي السبب وراء انفصالهم حيث كتبت: حسبي الله ونعم الوكيل فيكي يا غادة، وأوضحت: “احترام العشرة بيبتدي باحترام مشاعر غيرك، خاصة لو سبب في خراب بيتك وهدم حياة أولادك”.

تامر حسني ومديرة أعماله

وجاء ذلك بعدما نشر تامر حسني مقطع فيديو من حفل زفاف هالة عمر ووجه لها رسالة حيث قال: لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مره رديت عليها شكرتها و لما سافرت اسكندريه في الوقت ده لقيت بنت صغيره اوي بتعيط و بتجري عليا فا وقفتلها و فكرتني بنفسها و فضلت تعيط و تقولي احنا معاك و لازم تكمل عشان كنت بتحارب جداً في بداياتي.

وتابع حديثه، قائلا: فا اتصدمت ان اللي بتقول كده بنت صغيره كده و المجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها.

واستكمل"أما بقى عريسها العسل ده اسمه عمرو طلب اديها مني انا عشان والدها و والدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء و الفاتحة".