بتبادلها نفس الإحساس.. مدير أعمال شيرين يكشف حقيقة خلافها مع أنغام بعد أزمة "صوت مصر"
أعرب مدير أعمال الفنانة شيرين عبد الوهاب، إيهاب صالح، عن غضبه واستيائه بسبب الجدل على مواقع التواصل الإجتماعي، بين جمهور النجمتين شيرين وأنغام، والأحق بينهما بلقب "صوت مصر".
حقيقة خلاف شيرين مع أنغام
وكشف إيهاب صالح حقيقة خلاف شيرين مع أنغام، مؤكدا أن بينهما الحب والاحترام، ونفى حدوث مشاكل، مؤكدا أن من حق جمهور النجمة أنغام الدفاع عنها، ولكن بشكل أرقى من ذلك.
تصريحات مدير أعمال الفنانة شيرين
وغرد صالح عبر موقع التدوينات القصيرة "تويتر": "هام لكل جمهور شيرين وأنغام، شايف بقالي كذا يوم كلام كتير رايح جاي في قصة الألقاب ومين صوت مصر ومعركة كلامية داخلة في منطقة مش لطيفة خالص".
وأشار إلى علاقة شيرين بأنغام قائلًا: "أنا الحمد لله على علاقة قوية بـ النجمتين بقالي أكتر من 15 سنة، وكل الوسط يعرف ده كويس جدا، شيرين بتحب أنغام وبتحترمها من زمان وأنغام طبعا بتبادلها نفس الإحساس".
وتابع صالح عن علاقة أنغام بالمشاكل التي حصلت مع شيرين في حساباتها: "كل الكلام والإشاعات العجيبة إن أنغام ورا مشاكل حسابات شيرين على السوشيال ميديا ده كلام ملوش أي صحة من الأساس، وأنا في المطبخ وعارف كويس جدا إيه سبب المشكلة، من حق جمهور كل نجمة يغير ويحب نجمته ويدافع عنها".
وأختتم حديثة قائلا: "بس طبعا من غير غلط وتجريح عشان إحنا أرقى من كدة، خلاصة الكلام شيرين وأنغام دول أصوات مصر وقيمة كبيرة عندنا وفي الوطن العربي، استهدوا بالله كدة".
