كشف عن مفاجأة في طريقة زواجه.. محمود عبد المغني: كنت بزوغ من المدرسة عشان أشتغل

كشف الفنان محمود عبد المغني عن المشاكل التي تعرض لها منذ طفولته وسبب تركه للمدرسة بعد وفاة والده في سن صغير، مؤكدًا أن ذلك بغرض مساعدة والدته على إعالة أشقائه.

تصريحات الفنان محمود عبد المغني:

وقال محمود عبد المغني في تصريحات تليفزيونية: "أنا كنت بسيب المدرسة عشان أشتغل لأني وأنا صغير كان عندي إحساس بالمسئولية بعد موت والدي الله يرحمه وعايز أساعد أمي وعامل فيها مسئول وأنا كنت في ابتدائي، فكان إحساسي إن أنا عايز أساعد، وأمي ماكنتش عايزه كده، هي زعلت إن أنا بزوغ عشان أشتغل ومعجبهاش خالص، وكمان ده أثر عليا في تعليمي وقعدت مش عارف أقرأ لغاية سنة السادسة".

علاقة محمود عبد المغني بـ والدته

وعن علاقته بوالدته: "والدتي كانت ست صعيدية من قنا وأتعلمت منها إزاي أتعامل مع ولادي، لأن هي عملت مني الحمد لله شخص الناس بتحبه شخص محترم اللي أمي عملته أنا عملته مع ولادي، حب الأسرة والانتماء لبعضينا والأكل وضحكنا وخروجنا وأسرارنا مع بعض، فأمي كانت مدرسة كبيرة الله يرحمها".

محمود عبد العزيز وزوجته
كما كشف محمود عبد المغني، تفاصيل تعرفه على زوجته، قائلًا: "أنا ومراتي اتعرفنا على بعض واتجوزنا في 20 يوم، ومش تهور ده تحور ده كان إحساس جميل حسيته والدنيا مشيت.. أنا خطبت 3 سنين وحبيت 7 سنين قبل كده فخلاص إيه المشكلة إن أنا بقى اتجوز في حوالي 20 يوم ربنا أراد، كان فيه راحة نفسية، حب، فيه حاجة كده حصلت من عند ربنا".