فريدة سيف النصر تدافع عن محمد فؤاد: كفاية بقى تنمر وتصيد أخطاء مش هندبحه على كلمة إتقالت صح
ردت الفنانة فريدة سيف النصر، على الهجوم والانتقادات التي تعرض لها الفنان محمد فؤاد، عقب إحيائه حفل بالمملكة العربية السعودية، برئاسة المستشار تركي آل الشيخ، مطالبة منتقديه بالتوقف عن التنمر والتنظير وتصيد الأخطاء.
تصريحات فريدة سيف النصر
ودافعت "سيف النصر"، عبر حسابها الشخصي على فيس بوك، عن الفنان محمد فؤاد، وكتبت منشورًا جاء فيه: "لله حسابات أخرى يا فؤاد يا محترم، ما كفاية بقى يا جماعة تنمر وتنظير وتصيد أخطاء كفاية نذبح فنانين كبار على كلمة مجاملة اتقالت وهي صح عندهم أخلاق وحسن استقبال وكرم".
فريدة سيف النصر تدافع عن محمد فؤاد
وتابعت: "أنا لا بـ أغني ولا بـ أطبل ولا أنفع في العمر المحترم دا أعمل استعراض أو حفلة بأقول الحق ومش معنى أني أشكر في بلد يعني بلدي لا، عمر دياب أكتر واحد بيجامل بس مش بالميكروفون وهما يتجاملوا بيشغلوا الناس اللي نسيناهم احنا، لظروفنا ما فيش حفلات، هم السعودية دي مش عرب زينا ولا احنا لازم نقلب الدنيا على بعضها!".
واختتمت "سيف النصر" منشورها قائلة: "فؤاد محترم واللي في قلبه على لسانه مايستاهلش كدا، ولو كل واحد يلوم نفسه ويعاتبها على تصرف على صورة أو أي قرف مش هيتكلم على غيره، إنسانيا بقى له كتير ماشتغلش وكان مريض، مين عارف عملوا معاه إيه! خلصنا بقى هو لا بنرحم ولا يعجبنا رحمة ربنا بعباده كفاية بهدلة في بعض، عيب ياحبايبي عيب".
