"عمرو دياب قعد على الأرض يسمع ألحاني واللي يقول إنه اكتشفني هجاص".. عمرو مصطفى يواصل إثارة الجدل
كشف الفنان عمرو مصطفى عن العديد من الأسراروالمحطات في حياته ومشواره الفني، وذلك في حوار خاص مع الإعلامي خيري رمضان في برنامج "حديث القاهرة" على قناة القاهرة والناس من الاستوديو الخاص بالمطرب والملحن.
وفي السطور التالية يرصد لكم "مصر الآن" أبرز تصريحات عمرو مصطفى
- لما كنت بدرس في حقوق القاهرة، الشاعر تاج الدين قالي صوتك حلو.
- فزت بجائزة أفضل ملحن على مستوى جميع جامعات مصر.
- أى حد بيقول إن هو اللي اكتشفني يبقى كلامه هجص.
- المطرب اللي اشتغلت معاه ومش هيقول اسمي في الحفلات هستخدم صوته بالذكاء الاصطناعي.
- اللي مش بيقول اسمي ده بيتجاهلنس وبيضربني أدبيًا.
- زمان كان اللي بينتج الأغاني فنانين زى محمد فوزي ومحمد عبد الوهاب.
- لكن لما التجار هما اللي بقول بينتجوا صناعة الموسيقى اتدمرت.
- بعد كده أنا اللي هنتج والفنانين ياخدوا التصريح منى ويقولوا اسمي.
- بكن الاحترام والتقدير للمنتج محسن جابر، لكن أنا مبقتش عمرو العاطفي بقيت عقلاني.
- والدتي اتوفت من سنة ومن بعدها وأنا اتحولت.
- محسن جابر ليه معايا حاجات حلوة كتير بس زعلان إنه مكلمنيش وقالي متعملش كده.
- بعد ما الأغاني بتاعتي اتعملت مهرجانات مضمنش تتعمل بعد موتي وألحاني تتهان.
- نجاح عمرو دياب كان هدف ليا وعملتله 43 أغنية وكان بيقعد على الأرض يسمع ألحاني.
- أغنية خليك فاكرني مكنش عايزها بس زينة مراته أقنعته والأغنية نجحت وبدأ يدور عليا.
- عمرو دياب كان عايز يحجمني، ولكن الضربة القاضية لما أخد منى المايك وقالي تلحن بس متغنيش.
- بطالب بتعويض من المنتج محسن جابر وهتبرع بيه لتحيا مصر وهبطل تنازلات.
- بستعد لسرد تاريخي الفني في كتاب بعنوان "25 سنة موسيقى"، هيصدم العالم العربي.
- أنا بنافس المطربين الكبار والجيل الحالي ميقدرش ينافسني.
