صوروا رجل أعمال في أوضاع مخلة.. إحالة رجلين و3 سيدات للجنايات بـ أكتوبر
أصدر المحامي العام الأول لنيابة أكتوبر الكلية قرار بإحالة 5 أشخاص من بينهم 3 سيدات إلى محكمة الجنايات، وذلك على خلفية اتهامهم بتصوير مقاطع فيديوهات لرجل عارٍ وهو في وضع مخل بالآداب.
إحالة 5 متهمين للجنايات بـ أكتوبر:
وذلك بهدف الاستيلاء علي ممتلكاته من العقارات والأموال والسيارات تحت تهديد السلاح.
واستمعت النيابة العامة بأكتوبر، إلي أقوال المجني عليه والتي جاءت على النحو الآتي:
س.. ما معلوماتك بشأن الواقعة محل التحقيق و تفصيلات شكواك ؟
ج.. اللي حصل أن يوم الخميس قابلت واحدة أعرفها اسمها إيمان
عند کوبری مسطرد وأحنا ساعتها كنا متفقين إن أنا أوريها الأرض بتاعتي اللي موجودة في الخمايل علشان أنا كنت هابنيها وقالتلي أنا عاوزة أخد محل فيها وفعلاً روحنا وشافت الأرض وبعد كده قالتلى تعاله هنروح نقعد عند واحده صاحبتي في فيلا في غرب سوميد نسهر هناك شوية فقالتلي أن صاحبتي هتستنانا عند كنتاكي في الحصري وفعلا روحنا هناك ولقيت صاحبتها راكبة عربية هيونداي النترا فضي وومشيت وراها بالعربية ووصلنا عند الفيلا اللي يتقول عليها بتاعتها و وطلعنا الفيلا أنا وإيمان وصاحبتها وفرجتنا على الفيلا وبعد كده.
وأضاف، لقيت واحدة ثالثة دخلت الفيلا صاحبتهم وقعدنا في الليفنج نتكلم ونحكي وبعد كده طلعت أنا وواحدة غير إيمان وقعدنا في أوضة لوحدنا وأول لما دخلت الأوضة سمعت صوت عند البلكونة وأول لما فتحت البلكونة لقيت واحد واقف فيها ومسك فيا وبعد كده لقيت باب الأوضة إتفتحت ودخل منها أثنين ومسكو فيا وكان مع الأتنين دول مسدسات وواحد فيهم كان معاه مطوه وثبتوني ووقعوني على الأرض وقعدو يضربو فيا بالأقلام والشلاليت وساعتها واحد فيهم ضربني بضهر المسدس على كتافي وعلى دماغي من فوق وبعد كده أخدوني وودوني اوضة تانية وخلوني أقلع هدومي كلها وكانو بهددوني بالمسدسات معاهم وبالضرب بايديهم على جسمى وفعلا قلعت هدومي كلها وبقيت عريان وبعد كده لقيت البنتين اللي كانو موجودين غير ايمان دخلوا الاوضة وكانت واحده فيهم عريانة وكانوا
عيزني أتصور مع الأثنين في مواضع قليلة الأدب بس أنا رفضت وسايرتهم وقولتلهم هتصور مع واحدة بس وفعلاً أجبروني أن أنا أنام على ضهرى والبنت تبقى فوقيا وكان واحد ساعتها بيصورني وأجبروني إني أنام على بطني ونفس البنت بردو وصوروني وبعد كده واحد فيهم أسمه ممدوح جاب المسدس الي كان معاه ونغزني بيه عند وبعد كده واحد فيهم خلاني ألبس البوكسر بتاعى وجبلی دفتر إیصالات أمانة ومضاني عليه كله وبصمت عليه وجابلي عقود كتير وقاللي دول عقود شقق عندك هتبعهم وخلاني أمضى عليهم وجبلى عقد بيع سيارة ومضيت عليهم وبعد كده خدونی علی الليفنج في نفس الدور وكانو جايبين بيرة وكانو.جيبين مخدرات كتير وكانو عايزني أشرب معاهم بس أنا توهتمهم في الكلام وبعد كده قعدو يقولولى هتدفع ثلاثة مليون جنيه علشان نديك الصور اللي أحنا صورنهالك وواحد يقولي هات عشرين الف جنيه وانا اديك الصور وبعد كدا ادونی هدومي وخدوا عربیتی ومشيت وایمان اصرت آنها تركب معايا وانى اوصلها وساعتها اكتشفت أن الفلوس اللي كانت معايا أخدوها وكان في مبلغ عشرين ألف جنيه وملقتهمش في العربية وهما اللي سرقوة علشان واحد فيهم لم إنا كنت فوق اخد مفتاح العربية وفتش فيها وايمان طول لما كنا في الطريق كانت تقول ادفعلهم الفلوس علشان ميفضحكش.
أمر الإحالة:
جاء بأمر الإحالة أن المتهمين محمد و ممدوح و إيمان وياسمين ورباب خطفوا بالتحايل المجني عليه محمود محمد السيد محمد إذ اتفقوا فيما بينهم علي مشروع إجرامي يتضمن اختطاف المجني عليه لسرقته وإكراهه علي تحرير سندات مثبته لدين، ووضعوا "لذلك مخططا محكما، بدأوا تنفيذه باستدراج الثالثة له إلى حيث تقطن الرابعة عمارة 5 بأكتوبر-لعلاقة سابقة فيما بينه والمتهمة الثالثة-، وما أن وصل للمسكن وانفرد بالخامسة حتى باغته الأول والثاني مشهرين بوجهه أسلحة نارية وبيضاء محل التهمتين الرابعة والخامسة متعدين عليه بالضرب محدثين ما به من إصابات، ابانها التقرير الطبي، فانصاع لهم، وتمكنوا بتلك الطريقة من إقصاءه عن من يذود.
