بيومي فؤاد يعتذر لـ محمود حميدة: إحنا بنتعلم منك.. أنا ندمت إني فتحت السيرة وعملت عملية بسبب الموضوع

حرص الفنان بيومي فؤاد على تقديم الإعتذار للنجم الكبير محمود حميدة، بعدما تحدث عن قصة استبداله بـ حميدة، في فيلم مطرح مطروح، لتبدأ الأزمة بينهما.

بيومي فؤاد يعتزر لـ محمود حميدة 

ووجه بيومي فؤاد لـ محمود حميدة، خلال تصريحات تلفزيونية، رسالة قال فيها: "متزعلش أنت نجم كبير وذو مباديء، وعندك قيم وفنان حقيقي وأنا أصريت إني ما أبلغكش من البداية إني كنت مرشح للدور، وكنت متأكد إنك مكنتش تعرف حاجة عن الموضوع".

وأضاف بيومي فؤاد: "مش مجاملة لكن أنت نجم كبير، وفنان عظيم إحنا بنتعلم منك، ولما عرفت استبدالي بـ محمود، كانوا بدأوا يصوروا، لكن أقسم بالله أصريت مقُلش، وندمت إني فتحت السيرة".

أزمة بيومي فؤاد ومحمود حميدة

وكان قد تحدث بيومي فؤاد، عن أزمة فيلم مطرح مطروح، قائلا: "أنا إديت محمد السبكي فيلمي مطرح مطروح، وناس كتير طلبوا مني الفيلم لكن أنا فضلته عليهم، ولما المؤلفين اشتكوا من الأجر دفعته أنا ليهم من جيبي عشان يقبلوا التوقيع، وبعد ما وقعوا بالفعل، السبكي جاب محمود حميدة يعمل هو بطولة الفيلم، فـ لما سمعت الخبر ضغط عيني وصل فوق 50 والطبيعي 20، وكان لازم عملية".

وتابع:" أنا موقفي في الحاجات دي ثابت من زمان، ولو أنا كنت أعرف الموضوع ده مكنتش هوافق على العمل، المخرج وائل إحسان قال لي إن هو عرف وهو في نص العمل الموضوع الخاص بـ بيومي فؤاد، وهو خاف يقولي لاماكملش الفيلم".