منى زكي ترفض إبداء رأيها في مسلسل جعفر العمدة: مش عايزة أغلط
حلت الفنانة منى زكي ضيفة في برنامج Sold Out، مع الإعلامي محمود سعد، وتحدثت عن أمور كثيرة خلال اللقاء، منها رأيها في مسلسل جعفر العمدة وسر استمرار زواجها من أحمد حلمي، وغيرها.
منى زكي ترفض إبداء رأيها في جعفر العمدة
وخلال الحلقة، وجه سعد رسالة إلى منى زكي لمعرفة رأيها في مسلسل جعفر العمدة، للفنان محمد رمضان، ولكنها رفضت البوح به؛ مؤكدة أنها لا تحب الإفصاح عن رأيها في أعمال زملائها، قائلة: مش عاوزة أغلط.
سر استمرار زواج حلمي ومنى
وكشفت عن السر وقالت ممازحةً: علاقتنا مستمرة لأننا مبنشوفش بعض كتير، لكن الحقيقة أحمد شخص متفهم، هو هدية من ربنا ليا، علمني يعني إيه تسامح، دايمًا بيتفهم ظروف شغلي، وبيشجعني أكون أحسن عشان كده بعشقه.
كما أكدت أنها تستعد للمشاركة في عمل فني جديد، رفقة زوجها أحمد حلمي، متمنية أن ينال هذا العمل إعجاب الجمهور، إذ قالت: لفينا كتير لكن الحمد لله لقينا ورق حلو، وبقيت متحمسة جدًا ونفسي نشتغل مع بعض.
وكشفت كواليس مشاركتها في فيلم من 30 سنة، إذ قالت: فجأة وأنا في البيت قُلت لـ أحمد عايزة للدور ده شعر حلمنتيشي بتاع الناس اللي فاكرين نفسهم شعراء أوي وهما مفيش موهبة خالص، وكلمت أيمن بهجت قمر وقولتله عايزة شعر بعنوان ماعونتش، وابتدى يكتب الشعر ده، ساعات لما بيبقى فيه حاجة لايت بستشير أحمد.
