ريم طارق: ممكن أموت نفسي.. وسبب طلاقي مش هقوله
قررت ريم طارق زوجة مطرب المهرجانات حسن شاكوش، الخروج عن صمتها مجددا، وكشفت عن بعض التفاصيل الخاصة بقضيتها مع حسن شاكوش، وردت على الاتهامات التى يدعيها زوجها.
تصريحات ريم طارق
وقالت ريم طارق خلال تصريحات تليفزيونية:" أنا مش هقول السبب الحقيقى وراء طلاقى ولكن أحب أقول ان اللى بيعمله حسن شاكوش عبر السوشيال ميديا ووسائل الإعلام بإنه يشنع بى ويحاول تشوية صورتى أمر لا يحتمل وغير لائق فى علاقتنا حيث فضلت أن ألجأ الى القضاء وهو سبيلى الوحيد حاليا".
وأضافت ريم طارق :" اللى عمله حسن شاكوش واللى بتسببه انفصلنا امر لن ابوح به وفى نفس الوقت لا يمكن ان اتجاوز عنه خاصة انه امر لن يعدل عنه “مش هيتصلح”.
ريم طارق تعلن عن رغبتها في الانتحار
وردت ريم طارق على اتهامات انها طلبت الطلاق من حسن شاكوش كي تحصل على المؤخر، مؤكدة أن ذلك ليس السبب، وذكرت ريم طارق : "أنا ممكن اموت نفسى لأنى أعيش حاليا تحت ضغط كبيرة بيبب ما يفعله معى حسن شاكوش واتباعه أسلوب التشويه فى صورتى والخوض فى عرضى وأهلى كمان".
تصريحات حسن شاكوش
وكان قد نشر مطرب المهرجانات حسن شاكوش فيديو تداوله رواد السوشيال ميديا عن نيته للزواج مجددا بعد انفصاله عن ريم طارق.
وقال حسن شاكوش وهو يرقص فى حفل زفاف صديقه عمر كمال : "بنعمل اللي علينا والباقي على ربنا، طول ما إحنا عايشين هنتجوز مرة واتنين وتلاتة طالما في شرع ربنا".
وقال حسن شاكوش في لقاء تلفزيوني:" أي حاجة شخصية مش هينفع أتكلم فيها لأن في الأول والآخر لو اتكلمت هتكلم على عرضي ودي حاجة شخصية بيني وبين بيتي، واللي حصل معانا حسد، لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء".
