ياسمين عز: الراجل هو محور الكون والكائنات.. ومش مهم يبات ظالم ولا مظلوم المهم يبات متعشي
تحدثت الإعلامية ياسمين عز عن سخرية بعض الناس من قولها أن الرجل هو محور الكون، وقالت: “اكتشفت حاجة إن طول الوقت بتتريقي على الراجل وتقوليله يا محور الكون.. أو تقولي مثلًا انتوا بتتكلموا عن الراجل ليه هو محور الكون طب ما هو فعلًا محور الكون.. هو محور الكون والكائنات إيه رأيك؟”.
تصريحات ياسمين عز
وأضافت: “بمناسبة إن الراجل ينام متعشي ويبات متعشي الراجل يا حبيبتي يبات ظالم يبات مظلوم مش مهم.. المهم يبات متعشي يا مدام.. فطول الوقت الكلام عنه نعمل فيه نسوي فيه.. طب ما نتكلم عنك شوية”.
ياسمين عز تعلق على حفل زفاف ولي العهد الأردني
عبرت الإعلامية ياسمين عز، عن رأيها في حفل زفاف ولي العهد الأردني، وأوضحت أن محبة عائلة الزوج من محبة الزوج، خلال برنامجها كلام الناس عبر شاشة إم بي سي مصر.
وقالت ياسمين عز: "كلنا شوفنا حفل زفاف ولي عهد الأردن، وشوفنا إخوات العريس نسيوا الألقاب ووقفوا يعدلوا الفستان لـ زوجة ولي العهد، ونفسي بناتنا يستوعبوا الدرس ويتعلموا التقدير من الملوك والأميرات لأن الحياة مش حرب ومحبتك لـ زوجك من محبتك لأهله".
وأضافت ياسمين عز: "فيه بنات عندنا بيمنعوا قرايب العريس من حضور حفل والزفاف، وبقولهم ليه بتعملوا كدا؟ محدش هيخطفه منك لأنه جالك أنتي والحياة مش حرب".
ياسمين عز تنصح السيدات
ووجهت ياسمين نصائح للسيدات، قائلة:" لو شوفتي بالصدفة زوج أختك مع واحدة تانية أوعي تقولي لها وتخربي بيتها، لأن يمكن بيعمل خير وبيساعد واحدة نظرها ضعيف وبيوصلها، ويمكن هي شافت نفس الموقف عمله زوجك لكن كتمت الموضوع خوفًا على مشاعرك".
