رضوى الشربيني ساخرة: لو جبتي للراجل لبن العصفور.. مش هيكمل شهرين ويسيبك
تحدثت الإعلامية رضوى الشربيني، عن أسباب فشل العلاقات العاطفية، وهو تمسك الفتايات بالرجال بشكل يهين كرامة المرأه، ويجعل الرجل يثق في حبها له، ما يدفعه لتركها.
رضوى الشربيني
وقالت ساخرة :«لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع في غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى».
سبب انتهاء العلاقات العاطفية
وأضافت :«خليه يحس قد ايه انتى متمسكة بيه وان ولائك ليه يقوم يحبك ويقع في غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض».
تصريحات رضوى الشربيني
وتابعت :«ازاى اصلا اشوف وافكر ازاى الراحل اللى في حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة في بلايين من الرجالة على كوكب الأرض غيرك يحبونى وهعرف احبهم».
واستطردت :«مستحيل افكر ازاى ارضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى».
