"كل كلامك كذب ولازم حد يقفلك".. عمرو مصطفى يفتح النار على محسن جابر
رد الفنان عمرو مصطفى على التصريحات الأخيرة للمنتج محسن جابر بشأن مقابلته بالمطرب عمرو دياب، مؤكدًا أنه كاذب في كل كلمة قالها.
وكتب عمرو مصطفى عبر "فيسبوك" قائلًا: “ يعني أنت بتزور التاريخ وأنت في السن ده.. طب أرد عليك إزاي وأنت راجل في السن ده، أقسم بالله كل كلمة نطق بها هذا الشخص كاذبة.. ولي حق الرد في نفس البرنامج أو برنامج آخر لفتح جميع ملفاته وملفات شركاته وجميع الفنانين الذين يطلقهم على القنوات علشان يهاجموني”.
عمرو مصطفى يهاجم المنتج محسن جابر بعد تصريحات الأخير عنه
وأضاف عمرو مصطفى: " أنت مَن دمرت الفن في الوطن العربي استلمت مصر أم كلثوم وفايزة وشادية وعظماء لحد ما وصلتها للمهرجانات.. ده الوقت اللي لازم حد يقف لك وينهي المهزلة دي".
تصريحات المنتج محسن جابر
وكان المنتج محسن جابر قد صرح في مداخلة هاتفية ببرنامج "حديث القاهرة" مع الإعلامي خيري رمضان، قائلًا: "كنت في شركة عالم الفن في وسط البلد والسكرتيرة جاتلي تقولي إن في واحد بيعيط ومنهار عايز يقابلك ده كان عمرو مصطفى، وكان الليلة اللي قبلها عرف إن عمرو دياب بيسجل في استوديو وفتح عليه غرفة التسجيل وطلعوه بره وجه قالي أنا رموني بره".
وأضاف محسن جابر: "أنا كنت ساعتها رايح لعمرو دياب وقولتله تعالى معايا وسمعته لعمرو دياب وقال الأغنية حلوة قوي قولتله أومال طردته ليه قال هو انت؟، ولولا إني خدته معايا مكنش عمره هيشوف عمرو دياب".
