حورية فرغلي: مشاهدي الجريئة هي السبب في غضب الله.. وعايشة في غابة

تحدثت الفنانة حورية فرغلي، خلال حلقتها مع الإعلامي العراقي نزار الفارس، عبر برنامج عراقية على قناة الرشيد، عن حياتها الشخصية، والفنية، وكشفت إرتكابها أخطاء ظنت أنها هي السبب لما حدث لها.

تصريحات حورية فرغلي:

وأكدت حورية فرغلي، أن لديها علاقة خاصة مع الله، حيث تعرضت حورية فرغلي، لموقف في أمريكا حيث «هوت دوج» ثم اكتشفت أنه مصنوع من لحم الخنزير بعدما قام شقيقها بلفت انتباهها.

وأضافت حورية فرغلي: «سألت الراجل قبل ما آكل وقالي إنه لحم عادي مش خنزير ومكنتش أعرف.. هو كان طعمه حلو جدا.. وبعدين استغفرت ربنا بعد كده لما عرفت إنه لحم خنزير».

وكشفت حورية فرغلي، أن مشاهدها الجريئة قد تكون السبب في غضب الله منها، كما قالت”:أنا نفسيًا مش كويسة، وحاسة أني عايشة في كابوس من أول امبارح مش حاسة أني عايشة في دنيا حاسة أني في غابة، وده مذيع بقاله أسبوعين بيحاول يعمل معايا لقاء وقالي أنه عراقي، أنا كنت شفت لقائه مع رانيا يوسف مرة، قولتله أوك، قولنا نصور في البيت وأنا قولت أوك وساكنة قدام نادي الجزيرة والمنظر حلو، وأنا قولت ده كله بيصوروا وضيف عندي في البيت".

حقيقة تصدر حورية فرغلي التريند:

واستكملت حورية فرغلي، حديثها قائلة:" أولاً الأسئلة اللي جاي يسألهالي أنا مستغربة أنه بيسألها تاني ، وهو جاي عنده خطة معينة جاي مرتب لها، وبعد ما خلصنا سألني بتحبي ماجد المهندس وأنا قولتله عادي معرفوش أوي، فقالي هسمعك أغنية وطلب مني أتصور وأرقص معاه، وكل اللي حواليه بيلموا المعدات والكاميرات، ومعرفش مين بيصور، ومرضتش أكسفه ولكن قولتله مش هيبقى حلو أنا طويلة ولابسة كعب وهيبقى منظري مش حلو".

وأضافت حورية فرغي:" ليه مكنتش صريح معايا؟ ازاي حد يقابل حد بعد خمس دقايق يقوله عايز تتجوزه؟ هو عشان أنا عندي مشكلة في مناخيري يبقى غلبانة بقى ويحصل فيا كدا؟.. هو سألني وقالي انتي متجوزة قلتله لأ أنا سنجل بقالي فترة كبيرة ، ومش فاكرة الكلام ده كان جوه الحلقة ولا براها؟".

ونفت حورية فرغلي اتفاقها مع المذيع العراقي لتصدر تريند، قائلة: "أكيد مش متفقة معاه على تريند يعني هو أنا اللي رحت له العراق؟؟ واتفقت على اللقاء وبعدين أنا مش محتاجة، كان مريب وهو من أول ما دخل كان غريب وبيصور كتير، ومعنديش أي مشكلة الحلقة تنزل، عشان الناس هتعرف كده متفقة معاه ولا لأ".