مات مقهور.. سبب وفاة الملحن محمد النادي
رحل عن عالمنا صباح اليوم الملحن محمد النادي، وسط حزن كبير من صناع الموسيقى والمطربين، حيث توفى إثر أزمة صحية مفاجأة، عن عمر يناهز 39 عامًا.
أكرم عادل يكشف سبب وفاة محمد النادي:
وعقب انتشار نبأ وفاة محمد النادي، خرج المطرب الشاب أكرم عادل، عن صمته ليكشف سبب الوفاة، وعلق على صفحة مواقع التواصل الإجتماعي فيسوك، قائلا: «محمد النادي مات من القهر والظروف الصعبة اللي بنعيشها في الوسط الفني لأنه معندوش مصدر رزق تانى مات عشان الشغل في الوسط ده بقا زي الحرب مش عارف ليه محدش بيحب الخير لحد ده غير أنه ممكن يأذيك لمجرد أنه غيران من نجاحك».
وأضاف: «نفسيات غريبة وحقد وغل حتى ناس كتير من اللى بيترحموا عليه و يقولوا صاحبى وأخويا و حبيبي ما كانوش بيفتكروه وهو عايش ولا بيسألوا عليه، ولما كان يحقق نجاح في حاجه كانوا يستكبروا و يستكتروا انهم يفرحوا قلبه ويباركوا له ويجبروا بخاطره لو حتى بتعليق».
النفاق في الوسط الفني:
وتابع: «كفاية بقى نفاق عشان الوشوش كلها بقت مفضوحة خصوصًا على السوشيال ميديا اللي فعلا بينت الناس على حقيقتها، أنا بقول الكلام ده عشان للأسف أنا حاسس بكل الحاجات اللي هو كان حاسسها وممكن يكون عليا الدور أنى أموت فقلت اطلع اللي في قلبي يمكن الناس تحس ببعض شويه و يرحموا بعض عشان ربنا يرحمنا».
واختتم حديثه بالدعاء للراحل محمد النادي، قائلا: «ربنا يرحمك و يسكنك فسيح جناته يا محمد و يصبر قلب اهلك و الناس اللى بيحبوك بجد على فراقك ولا عزاء للحاقدين و المنافقين ».
