بسنت النبراوي تردّ على دعاء فاروق: المحترمة اللي بتهاجمني على حكاية المساكنة عيب عليكي تحري الدقة الأول
أعربت الممثلة الشابة بسنت النبراوي، عن غضبها الشديد، بسبب تحريف تصريحاتها في أحد البرامج التلفزيونية، ومهاجمة الإعلامية دعاء فاروق لحديثها عن المساكنة.
تصريحات بسنت النبراوي
وقالت خلال منشور لها عبر فيسبوك: توضيح هام للاسف بعض المواقع تاني اخدت كلامي وحورو الكلام و وصلت الجرائه انهم يتكلمو علي حياتي الشخصيه ويطلعو اشاعه اني اتطلقت وانا لسه متزوجه وجوزي راجل محترم.
وأضافت: ولما اتكلمت علي الادمان اتكلمت علي ناس تانيه مش علي حياتي والاستاذه الاعلاميه المحترمه اللي طالعه تهاجمني عشان موضوع المساكنه عيب عليكي المفروض تتحري الدقه وتشوفي الحلقه مش تكوني من اللي بيرددو اي كلام من غير مايتاكدو والحلقه موجوده للي يبحب يتحري الدقة.
دعاء فاروق تهاجم المساكنة
دعاء أكدت أن هذا الأفكار الغريبة، تعد زنا بل وتقلل من حقوق المرأة، وهذا يخالف عاداتنا وتقاليدنا الاجتماعية والدينية، معربة عن اندهاشها من تقبل بعض الفتيات للأمر.
وشاركت دعاء فاروق، متابعيها بمقطع فيديو، عبر حسابها الشخصي بموقع إنستجرام، تتحدث من خلاله عن موضوع المُساكنة قبل الزواج، قائلة: إزاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ.
وتابعت: يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا.
فاروق أوضحت كذلك أن الأمر بات يتطور، وقالت: بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول آه لو مش حرام، يعني إحنا ممكن الصبح نغير اسم بيوت الدعارة بـ بيوت السعادة وننزل نسأل الطلاب تحب تروح بيت السعادة ويقولوا آه.
