"الشحاته كتير".. جوري بكر تغلق تعليقات المتابعين على إنستجرام

خرجت الفنانة جوري بكر، عن صمتها وذكرت سبب غلقها التعليقات على عدد من متابعيها عبر حسابها الشخصي بموقع انستجرام، مؤكدة أنها تتعرض للكثير من أساليب الشحاته على حد قولها.

منشور جوري بكر 

وكتبت جوري بكر، خلال منشورًا نشرته عبر حسابها الشخصي بموقع تبادل الصور والفيديوهات الشهير انستجرام، قائلة:" أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين".

وأضافت جوري بكر:" مش كل الناس نضيفة وتعليقاتهم محترمة في مجموعة كدة حرفيًا من قاع الأرض مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني".

وتابعت جوري بكر: "غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام".

واستكملت جوري بكر:" الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون بـ 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني".

واختتمت: "ياريت متغرموش أهلكم عشان حضرتك تشوري نفسك وأنت تمسك موبايل جديد اتعب واحصدوا تعبكم".