محمد شاهين: مش أنا اللى شبع بعد جوع.. اشتغلت كوافير رجالي وأنا صغير
حل الفنان محمد شاهين ضيفاً على برنامج "كلام الناس" الذي تقدمه الإعلامية ياسمين عز، وكشف خلاله عن حقيقة زواجه وأحدث أعماله الفنية، وحقيقة خلافه مع مؤدي المهرجانات حمو بيكا.
تصريحات محمد شاهين
قال المطرب محمد شاهين: "معنديش مشاكل مع حد خالص ومبكرهش حد، حمو بيكا معنديش مشاكل معاه أيام الكورونا كنا عملنا أغنية ومحصلش نصيب إننا ننزلها وأنا طلبت إننا منزلهاش وهو استجاب ليا وبعدين اتقابلنا مع بعض، كان فيه سوء تفاهم في الأغنية وصممت إنها متنزلش وفعلا منزلتش".
وعن حقيقة زواج محمد شاهين، قال:"أنا لسه متجوزتش لحد دلوقتي، وأمي علطول بتقول إنها عايزاني اتجوز، والزواج قدر ونصيب وربنا كاتبه في ميعاد معين وانا مش مستعجل".
محمد شاهين و الزواج
وأضاف:"أنا بفكر في الزواج تفكير عقلاني ومش مع الحب الجارف، العقل لازم يقود في الزواج قبل القلب، والحب لا يدوم مثلما قال الدكتور مصطفى محمود، ولذلك لابد من تحكيم العقل".
وأشار محمد شاهين:"انا متربي علي طبلية أبويا، الحمد لله مش أنا البني اَدم اللى شبع بعد جوع، مهما وصلت لنجاح مقدرش أنسى أصلي واللى ملهوش ماضي ملهوش مستقبل، وأول لما ربنا كرمني جوزت أختي وكنت مجهز أطلع أبويا وأمي عمرة مع بعض بس الوالد توفى".
وتابع:"اشتغلت مهنة كوافير رجالي وانا صغير وبالليل كنت بشتغل في الأفراح، وكنت دايما بفكر اجيب القرش بالحلال".
وكان قد نفى محمد شاهين الشائعات التي تداولها رواد مواقع التواصل الاجتماعي عن انتقاله للإقامة في دبي وامتناعه عن العمل في مصر مؤكدا أن هذا الأمر غير له أساس من الصحة.
