حازم إيهاب عن وفاة نجله: أصريت على عدم إجهاضه
حل الفنان حازم إيهاب ضيفًا على برنامج الستات ما يعرفوش يكدبوا، وكشف عن موهبته بجانب التمثيل، حيث قدم أغنية أنا غلطان للفنان بهاء سلطان بصوت أطرب المستمعين.
موهبة حازم إيهاب في الغناء
وكشف حازم إيهاب أنه درس الغناء ليستعد له إذا عرض عليه دور تمثيل به غناء، موضحا: "مستحيل أغير كاريري أو أغني مع التمثيل لأن صاحب بالين كذاب".
تصريحات حازم إيهاب
وتحدث حازم إيهاب عن تجربته الصعبه ووفاة والدته ونجله وتعب زوجته، مشيرًا إلى أن هذه التجارب غيرت فيه الكثير من الأمور، إذ قال: "غيرت جوايا حاجات كتير، وساعدتني ألاقي مشاعر مكنتش لاقي ليها إجابات وإجابات ماكنتش لاقي ليها ردود وعرفتها مع الوقت، وكل اللي متأكد منه أن كل حاجة بتحصل لنا في حياتنا خير ولو دورنا على أحسن سيناريو هيكون هو ده، رغم من أنه ممكن يكون أصعب سيناريو".
وفاة ابن حازم إيهاب
وتحدث بحزن شديد عن وفاة ابنه مشيرًا إلى أنه صمم على إنجاب ابنه على الرغم من أن الأطباء أخبروه بأنه من الصعب شفائه ونصحوه وزوجته بإجهاضه.
وتابع حازم إيهاب:" كنت مقتنع إننا معندناش أي دليل على أنه يفضل كده أو يخف ولكن اليقين بالنسبة لي هو الأمل وكان عندي مبدئ بقوله دايمًا لمنة زوجتي، أني مش عاوز أدخل في صراع أننا نسقطه، كنت دايمًا هقول لنفسي أفرض كنت أستنيت وربنا وضع فيه معجزة، وده صراع هيطاردني طول حياتي ودي حاجة غيبية عمري ما هعرف أرد عليها، فكملت المشوار لأني كنت عاوز أسلم إرادتي لربنا ولو ربنا مقدر له حاجة هيشوفها".
