بسمة وهبة عن الحسد: بقيت أخاف أنزل صوري
أعربت الإعلامية بسمة وهبة عن غضبها من بعض الأشخاص الذين يحسدون حياتها، دون معرفة المصاعب التي تمر بها، مشيرة إلى أنها سافرت إلى لندن لأنها تعاني من المرض الشديد الذي اضطرها للسفر وليس للنزهة.
بسمة وهبة عن الحسد
وقالت بسمة وهبة خلال مقطع فيديو عبر خاصية ستورى على حسابها الشخصي بموقع انستجرام:" أنا بطلب يا جماعة من كل الناس اللي بتتفرج على صوري متفتكروش الصور اللى برا دي الحياة اللي جوه.. أبدًا والله العظيم كل واحد ربنا في حياته حتة ناقصة بس أنا الحتة بتاعتي غير بتاعتك فكلنا بنعاني".
وتابعت بسمة وهبة:" بقيت أخاف أنزل صوري، لو أخذت صورة أو فيديو ونزلت حاجة تفتكروا إنى في رحلة ترفيه، مش كل صورة أو فيديو تشوفوها يبقى هي دي الحياة لأ كلنا بنعاني زي بعض، أوعوا تصدقوا الصور اللى بتشوفها دي الحياة الخلفية".
واختتمت بسمة وهبة حديثها قائلة:" خفوا على بعض وبعدين لو بإيدي أتعالج في مصر كنت قعدت هو أنا عايزة أدفع فلوس أكثر، لكن أنا عندي مرض محتاج سفر ودكاترة معينة والحمدلله راضية وسيبونا في حالنا ومتقعدوش تركزوا".
سفر بسمة وهبة إلى لندن للعلاج
وكانت الإعلامية بسمة وهبة أكدت مؤخرًا، أنها سافرت إلى لندن من أجل رحلة علاجية، مطالبة جمهورها بالدعاء لها بالشفاء.
ونشرت بسمة وهبة، مقطع فيديو عبر خاصية ستوري على حسابها الشخصي بموقع تبادل الصور والفيديوهات إنستجرام قائلة: "والنبي أستحلفكم بالله ما تنبروا عليّا والله ما جاية أتفسح في لندن.. تصدقوا بالله أنا بنزل من غير فلوس في لندن عشان الحاجات هنا مولعة نار".
