هند عاكف عن أزمتها مع مهرجان القاهرة السينمائي: تخطيت الحدود دون قصد

تحدثت الفنانة هند عاكف عن أزمتها مع مهرجان القاهرة السينمائي في الدورة القادمة، بعدما تعرضت لموقف محرج العام الماضي، لافتة إلى أنها قررت عدم الذهاب إذا لم يتم دعوة خاصة لها.

تصريحات هند عاكف

وتابعت هند عاكف أثناء حلولها ضيفة عبر قناة “هي” في برنامج " المنسي" مع الإعلامية إنجي هشام، قائلة: "مش هروح مهرجان القاهرة غير لو اتقدمتلي دعوة اللي حصل أيام مهرجان القاهرة معنديش استعداد يحصل تاني أنا مكنتش اتوقع أن ده ممكن يحصل لأن أنا فنانة بشتغل من وأنا عندي 4 سنين وليا أعمالي والحمدلله أنا مش وجه جديد وحتى لو وجه جديد مينفعش أبدا في مهرجان بلدي يتقالك لا".

علاقة هند عاكف وحسين فهمي 

وتحدثت عن علاقتها بالفنان حسين فهمي: "أستاذ حسين بحبه أوي بغض النظر عن اللي حصل في المهرجان ده فنان عظيم له تاريخه ومعتقدش أن هوا اللي قالهم يعملوا كده استحاله أنا مكنتش حابة الموقف ده يحصل لكن مقدرش أزعل منه.. أنا كنت بروح لما كان أستاذ حسين فهمي رئيس المهرجان من 20 سنة وكانت بتحيلي دعوة، يمكن اللي حصل السنة دي بسبب إنه حاطط قواعد معينة للفنانات، ويمكن أنا تخطيت القواعد دي بدون ما أقصد".