بالفيديو.. أستاذ توليد: المرأة تحتاج توعية بالصحة الإنجابية خلال فترة الخطوبة | فيديو
قال الدكتور حسام الشوادفي، أستاذ النساء والتوليد، إن الصحة الانجابية هي الاهتمام بالجزء البدني والنفسي والاجتماعي الذي يخص قدرة المرأة على التكاثر أو الانجاب، فى فترة ما قبل الزواج، وفترة الحمل وما بعد الحمل، لافتا إلى أن الصحة الانجابية مفهومها هو اكتمال الصحة البدنية والنفسية والاجتماعية، والعقلية عند المرأة.
التوعية بـ الصحة الإنجابية
وتابع أستاذ النساء والتوليد، خلال حواره مع الإعلامية سالي سالم،بحلقة برنامج "البيت"، المذاع على فضائية "الناس"، اليوم الأثنين: "ازاي المرأة تعرف إن هي مكتملة الصحة الانجابية، ده بيتم عن طريق الرعاية الطبية المتكاملة، الرعاية الشاملة، لازم بتكون في أهداف أصلا للصحة العامة، يعني لازم يكون فى توعية مجتمعية بأهمية الاهتمام بالصحة الانجابية".
واستكمل: "فى أهداف المرأة محتاجة توصل لها? بإيه الحاجات العوامل اللي ممكن تعمل لها نوع من انواع الانزار او القلق اللي بناء عليه لو هي لاحظتها في نفسها تحتاج ان هي تطلب الدعم او المشورة الطبية، يعني مثلا نبدأ في المرحلة ما قبل الزواج نكون معلمين السيدات عن الفسيولوجيا الطبيعية بتاعة المرأة، التبويض عبارة عن ايه? يعني الدورة الشهرية الحيض الشهري اللي بيجي ده معناه ايه? وبالتالي لو حصل اختلال في الدورة، ايه هو الاختلال في الدورة يعني? يعني تبقى هي فاهمة هل لو الدورة اختلفت يومين او تلاتة ده الاختلال؟ فتكون عارفة الاعراض اللي بتصيبها قبل الدورة طبيعيا طب وايه اللي لو زاد عن حده تبدأ تطلب المشورة".
وأوضح: "المرأة محتاجة تركز عليه لأنه هيعمل معها فرق كبير في حياتها الانجابية بعد كده بقى ما هي حامل، برضو التعليمات كلها ايه الاكل اللي محتاجة تاكله? ايه الاكل اللي مش محتاجة تاكله، كثير من الموروثات والاشاعات اللي بقينا نصدقها ونمشي وراها وبقت بتجب يمكن الحقيقة او الناس بتصدقها اكتر من الحقيقة. محتاجين نعرف الناس بها، طيب اسناء الحمل، برنامج متابعة الحمل باهميته ايه، بيتم فين ؟ ايه المكونات بتاعته ؟ اثناء الحمل ايه الحاجات المتوقعة انها هتكون بتحصل في جسمك؟ وايه الحاجات اللي لأ لو ظهرت عليكى يبقى محتاجة تطلبي المشورة؟ وبالتالي من العوامل المؤثرة على صحة المرأة الانجابية هي ثقافتها ومعلوماتها ونسبة الامية الموجودة عندها، فلازم المرأة تعرف التوعية".
