بالفيديو.. استشارى تغذية: "الكيتو" قد يسبب مضاعفات خطيرة | فيديو

حذر الدكتور عماد فهمي، استشاري التغذية العلاجية، من اتباع أنظمة حمية، قد تضر بصحة الإنسان، خاصة ما يعرف بـ"الكيتو"، قائلا: "هذا النظام يؤدي إلى مشاكل جسيمة على القلب والكوليسترول على المستوى البعيد، لا ننظر تحت رجلينا، أنا شفت بنفسي ناس حصل لها مشاكل في ميتابوليز".

أضرار الكيتو

وقال استشاري التغذية العلاجية خلال حلقة برنامج "البيت"، المذاع علي فضائية "الناس"، اليوم الأحد: "يعني بنوتة صغيرة اثنين وعشرين سنة صيدلانية، منعت كل النشويات وكل الفاكهة وقعدت ثلاث شهور على الكيتو، زهقت وقفت تخنت جدا، ولكنها حصل لها مشكلة مع أنواع النشويات".

واستكمل: "إنما لو أنا بقلل أكلي أنا محتاج أقلل أكلي طول عمري، وده من الصعوبة إن أنا أعمل كده، ولو حد نجح يقلل أكله أو يمنع أكل معين شهر شهرين هيزهق هيمل،  هيأكل وهيتخن، طبعا، ولازم كلنا نبقى عارفين أن جسمنا ممكن يرمي أي زيادة الإ الأكل، يعني لو أنا أخذت كمية فيتامينات كثيرة جسمي يأخذ اللي هو عايزه ويرمي الباقي خارج الجسم مع فضلات البول والبراز، طيب لو أنا كلت أكل كثير جدا جسمي يأخذ اللي هو عايزه ويشيل الباقي، ما يرميش الباقي يحفظه طاقة فى الدهون".

وأضاف: "عشان كده بعض الناس اللي يعملوا أنظمة ويمنع النشويات نهائيا ويعتمد على الدهون وجسم محتاج للسكريات فيضطر الجسم آسفا لتحويل الدهون أو جزء منها إلى سكر، لما ييجي يوقف النظام كده زي الكينو مثلا ييجي يوقفه يقول لك تخن بسرعة جدا، لأنه رجع يأكل النشويات اللي كان محروم منها، وكان نشط عملية تحويل الدهون إلى سكر، فبقي عنده مصدرين للسكر، مصدر الأكل ومصدر التحويل، السبب الدعاية المفرطة في أشياء غير مدروسة لكل شخص على حدة، صح، إن أنا أعمم في المطلق جمعية أطباء القلب الأمريكية قالوا الناس مش عارفة أن كلمة سمنة يعني مرض، مرض ومش مرض عادي،  ده مرض مسبب لأمراض أخرى كمان، يبقى لازم اللى يحدد طريقة العلاج دكتور مش حد بيتكلم على السوشيال، مش مكمل تعليمه، أو رياضى، في الآخر أنا كواحد مش دكتور أنا مش عارف وظائف الكبد ولا وظائف الكلى ، ولا رد فعل أو الكلى على هذا الشيء بالتالى تحصل مصايب".

وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023،
وتبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.