نيللي كريم: الست حالياً هي راجل البيت
أثارت الفنانة نيللي كريم الجدل خلال لقاءها مع منصة شاهد، حيث تحدثت عن تفاصيل شخصيتها في مسلسل «ليه لأ» الموسم الثالث.
تصريحات نيللي كريم
وقالت نيللي كريم: «شخصيتي في المسلسل أم لطفلين، وبنشوف إيه المشاكل اللي بتحصل لها في فترة زمنية معينة».
وأضافت: «هي شخصية موجودة في وسطنا وحقيقية جدًا وموجودة وسط أصحابي وأصحاب صحابي، شخصية بنشوفها كتير، وأزمة المسلسل أنها بضحي بحاجات كتير عشان سعادة ولادها».
قصة مسلسل ليه لا الموسم الثالث
وتابعت: «الابن بيفتكر نفسه راجل البيت، والام بتحاول ترضيه بكل الأشكال لحد ما بتيجي لحظة بتقف فيها وبتحاول محدش فيها يجي على أولادها، فدي نقطة التحول بتاعت المسلسل».
وأوضحت نيللي كريم: «راجل البيت كلمة كبيرة في الزمن دي، وحاليًا الست هي راجل البيت، هي اللي بتشيل البيت والأولاد خصوصًا لو فيه حالات طلاق بنسبة 99 في المئة الأبهات لا يدفعوا الفلوس اللي عليهم ولو دفعوا بيدفعوا مبلغ ضئيل جدًا فالست هي رجل البيت حالياً".
