حسين فهمي: التكنولوجيا غيرت الفوتوسيشن.. وكل الناس بقت مشهورة

حرص الفنان حسين فهمي، على التحدث في الاختلاف بين جلسات التصوير في الماضي على أغلفة المجلات، وفي الحاضر على الهواتف المحمولة، موضحا أن التكنولوجيا لعبت دورا كبيرا في جعل جميع المواطنين مشاهير.

تصريحات حسين فهمي 

وقال حسين فهمي خلال حواره مع برنامج The Insider: "التكنولوجيا غيرت موضوع الفوتوسيشن تمامًا، زمان كانت المجلات هي اللي مهمة، بس دلوقتي السوشيال ميديا بقت هي اللي مهمة وكل واحد بقى كأنه عنده المجلة بتاعته".

وأضاف قائلا:" دلوقتي كمان بقى التصوير سريع، وأي حد بقى يقدر يقف قدام الكاميرا ويبقى مشهور، والموبايلات سهلت إن كلنا يبقى معانا كاميرات وده مكنش موجود أيامنا، كنا يدوب نلاقي أوتوجراف نكتب عليه ولا حاجة".

حسين فهمي ومسلسل سره الباتع 

وكان قد تحدث حسين فهمي عن مشاركته في مسلسل سره الباتع، وقال: "خالد يوسف قالي عاوز أقابلك وندردش سوا، ولما قابلني أخبرني أن صعوبة الدور هي ركوبي الخيل، وقالي خايف عليك لأن فيه صعوبة وحركة كتير قلت له موافق ملكش دعوة وأنا عايز أتعب".

وأضاف قائلا:" تاريخ الفترة دي مهم في حياتنا، شعب بطبعه تقبل كثير من المستعمرين وكلمة الرحايا، التي ذكرها يوسف في دردشته، شجعتني لقبول الدور، لأنها كلمة ذات معنى كبير وإن كل محتل بييجي مصر بيتم دهسه زي الرحايا فتحمست للدور بمجرد حكاية خالد وكلمة رحايا، ومضيت من غير ما أقرأ لثقتي الكاملة فيه".

مسلسل سره الباتع

ويعد أخر عمل شارك فيه الفنان حسين فهمي في موسم رمضان الماضي 2023، هو مسلسل سره الباتع، الذي ضم مجموعة كبيرة من الفنانين، أبرزهم الفنان أحمد فهمي، هالة صدقي، أحمد السعدني، صلاح عبد الله، حنان مطاوع، أحمد عبد العزيز، ريم مصطفى، ميسرة، وآخرين، ومن إخراج خالد يوسف.