برلنتي عامر: مطلبتش من سعد الصغير يبوس رجلي.. وبيخوني مع ستات كتير

كشفت برلنتي عامر زوجة الفنان سعد الصغير، تفاصيل خلافها معه وإعلانها انفصالها عنه مؤخرًا على حسابها الشخصي بموقع فيس بوك.

انفاصل برلنتي عامر وسعد الصغير

وقالت برلنتي عامر خلال لقائها مع برنامج “قعدة ستات” المذاع على شاشة “القاهرة اليوم”: سعد مصاحب واحدة حاولت تقرب منه من أكتر من 3 سنين وقالتلي هخطفه منك، ولما واجهته قالي عندها مرض كدا مستحيل أقرب لها، وكمان بطلب منه وبقوله طلقني.

وتابعت برلنتي عامر حديثها: طول ما هو معايا بيخوني، وبقاله 5 سنين بيخوني واكتشفت ده لسه من شهر 2، كان عنده فرح في اسكندرية، وبنتي قالتلي بابي سايب الموبايل فتحته لاقيت بلاوي، وبيكلم ستات كتير جدًا وقولتله فين الوقت لده كله، وبيتصل بكل اللي بيكلمهم وبيقولهم برلنتي هتكلمكم دلوقت تقولولها مافيش بينا وبين سعد حاجة احنا صحاب واخوات.

واستكملت برلنتي عامر: سعد بيخاف مني لأ شوية بيحترمني ممكن، وهو غلط لما طلع يبوس رجلي في لايف والناس قالت سكران، وساعات بيمثل أنه واخد حاجة عشان الناس تصدق، مطلبتش يبوس رجلي ولا يعتذر قدام الناس بيطلع يعمل كدا عشان يبين قد إيه بيحبني.

برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف خلاله نجوم الفن والمجتمع .