"بتشرب سجاير وشمال".. اعترافات كارثية من مندوب شحن ضد سيدة متزوجة متهم باختطافها بالجيزة
قرر المحامي العام الأول لنيابة جنوب الجيزة الكلية، إحالة موظف بشركة شحن إلى محكمة الجنايات لاتهامه بخطف سيدة متزوجة والاعتداء عليها بالإكراه.
وذلك عقب استماع جهات التحقيق لأقوال المتهم والتي جاءت على النحو الآتي:
س- ما قولك فيما قررته المجني عليها بتحقيقات النيابة العامة "تلوناها عليه تفصيلا؟
جـ- الكلام ده محصلش و انا فعلا كنت فاكرها حرامية فالاول ولما دخلتها الشقة لقيتها مش مظبوطة وشكلها بنت شمال فالشيطان لعب في دماغي اني اعمل معاها حاجة وكل اللي عملته اني لمست منطقتها الحساسة فقط و لما افتكرت مراتي وعيالي قرفت من اللي انا بعمله وقمت لبست هدومي و مشيتها بس والله انا مكنش معايا ولا سلاح ولا هددتها باي حاجة.
س- ما هي ظروف تقابلك مع المجني عليها سالفة الذكر تحديدا ؟
جـ- أنا كنت قاعد في البيت ولما سمعت صوت خروشة على الباب طلعت ابص لقيتها واقفه علي السلم فوق وبتشرب سيجارة واول لما شافتني طفت السيجارة وروحت علشان أتأكد انها سيجارة عادية وتأكدت وقلتلها انتي مين وبتعملي ايه هنا انتي حرامية ولا نازلة من عند مين قالتلي معلش انا طلعت العمارة بالغلط وعاوزة اخد نفسي وارتاح فتحت باب الشقة ودخلتها ودخلت معاها.
س- ما هي الأفعال التي قمت بها تحديدا ؟
ج - زي ما قولت لحضرتك بالضبط انا بعد ما دخلتها البيت وقعدتها وجيبتلها زجاجة مياه رجعت لاقيتها قالعة الطرحة و كنت شاكك فيها ولما فتحت الشنطة وشوفت ملابسها الداخلية اتاكدت انها ست شمال وبتحور فقعدت معاها شوية وقبل ما تمشي و هيا واقفة على باب الشقة و نازلة الشيطان لعب في دماغي أمارس علاقة معاها فقولتلها انتي جاي منك حاجة و قالتلى انا ما بخدش و سيلة حمل و لاقيتها رفعت الفستان و نزلت البنطلون على طول وأول لما قلعت انا كمان قلعت البوكسر وحاولت معاها بس معرفتش اعمل حاجه جات في بالي صورة مراتي و عيالي و قرفت منها ومکلملتش و قمت لابس البوكسر و قلتلها غوري من هنا و فتحت باب الشقة و نزلت و هو ده كل اللي حصل
س- وما سبب ادعاء سالفة الذكر عليك بذلك؟
ج - أنا معرفش هيا بتقول كدة ليه .
س- وما هي كيفية استدراجك للمجني عليها سالفة الذكر للشقة محل سكنك تحديدا؟
جـ- و الله أنا ماستدرجتهاش
س- هل تتعاطى ثمة مواد مخدرة؟
جـ- أيوة أنا بتعاطى حشيش فقط.
