ياسمين عز تظهر بـ الحجاب على الهواء.. وتعلق ربنا يهدينا جميعا.. أسعار الطرح فلكية

أثارت الإعلامية ياسمين عز الجدل كعادتها، وقدمت فقرة عن طرق لف الطرحة للسيدات، موضحة أن الفقرة كانت ستقدمها متخصصة، ولكن حدثت ظروف وهي تأخر الضيفة عن الحلقة، ما جعلها تقدم الفقرة بنفسها.

تصريحات ياسمين عز 

وقالت ياسمين عز: "قررت أعمل فقرة عن الحجاب في برنامجي ولكن متخصصة الحجاب اتأخرت، وقررت أعملها أنا والحجاب أحلى حاجة في الدنيا وربنا يهدينا جميعا، ومفيش حاجة اسمها موضة في الحجاب".

وأضافت ياسمين عز: "كل أمهاتنا بيلبسوا حجاب، وأنا شاطرة أوي في لفات الحجاب، والحجاب دا من أحلى الحاجات في الدنيا وربنا يهدينا جميعا والفقرة دي قررت متتلغيش وهعملها أنا، وتقبلوا مني إني بعملها على قد ما بقدر".

وتحدثت ياسمين عز على أسعار الطرح، قائلة: "أنا تفاجأت بالأسعار وبسمع أسعار فلكية وأعلى من 350 جنيه ولازم يظبطوا أسعار الطرح، وهل فعلا البنات بيشتروا بالأسعار دي؟".

نصائح ياسمين عز لـ الفتايات

ونصحت ياسمين عز الفتيات بارتداء تاج على الحجاب قائلة: "لازم تعملي اللفة دي وتحطي التاج على الطرحة عشان خطيبك محمد ومامته تشوفك تقول مفيش حد زيك في الفرح، وأراهنك كل الناس هتقلدك".

وقالت متصلة لها على الهواء في البرنامج: "ما شاء الله عليكي كل لفات الطرح جميلة، أنا بحبك أوي وكل البنات هتقلدك، بس ليه مش بتتكلمي عن خطيبة فتحي وأيمن؟".

وردت ياسمين عز: "خطيبة فتحي وأيمن وكل الأسماء معانا، والبنت تحط التاج بس وتقعد جنب حماة الفرعون وكل حاجة هتكون كويسة".

وقالت ياسمين عز بعد ارتدائها الحجاب:" لما لبست الطرحة التركي بقيت شبه الأتراك بس أنا مصرية بيور وبفتخر أني مصرية، وهفضل قاعدة في البرنامج لحد ما أكون كركوبة وعندي 70 سنة".