مروة نصر عن زواج شيرين وحسام حبيب: جوازة سودا.. وأحمد سعد أخف دم
علقت المطربة مروة نصر، على أحوال المطربة شيرين عبد الوهاب وزواجها من المطرب حسام حبيب، أثناء استضافتها في برنامج سبوت لايت، تقديم الاعلامية شيرين سليمان.
تصريحات مروة نصر عن شيرين عبد الوهاب
وقالت مروة نصر عن جوازة شيرين وحسام حبيب: «دي جوازة سودا على الوطن العربي كله، وأنا اتكلمت من حبي فيها وأني من جمهورها، ومستحيل أقيمها كمطربة».
وحرصت مروة على توجية رسالة للمطربة شيرين عبد الوهاب قائلة: «ربنا مديكي حاجات حلوة كتير أوي.. دم خفيف وصوت حلو وكل حاجة تقول انك نجمة بس».
وتابعت: «شيرين أوقات بتستخدم عفويتها فالناس بتستخدم ده، والفنان لازم ينتقي كلماته في الإعلام أو ما يتكلمش، ولحد النهاردة اللي مخلي عمرو دياب نجم كبير أنه مش بيتكلم في الإعلام، وده ذكاء خارق وليس غرور، وهو عارف أنه عنده رسالة، وعمره ما اتقال أنه شتم فلان».
نصيحة مروة نصر لـ شيرين عبد الوهاب
واستكملت مروة نصر: «شيرين قدوة لبنات كتير أوي، ولو بنات شافتك بتحلقي شعري أنا كـ أم وبنتي بتحبك وشافتك تعمل إيه؟، طبعا انتي حره في حياتك ولكن لا تشاركي الجمهور، ومينفعش أدخل أهلي في مشاكل مع الناس وهي عندها بنتين زي القمر».
وأختتمت: «شيرين عشان نجمة كبيرة الناس بتعديلها، ولكن لو نجمة صغيرة الناس هتمسكلها على الواحدة، وأنا غنيت معاها في ستار أكاديمي وكانت عرفاني قبل البرنامج ده، وكل ترينداتها اللي فاتت كانت استعطاف».
علاقة مروة نصر بـ أحمد سعد
وتحدثت مروة نصر، عن علاقتها بالمطرب أحمد سعد، وذكريات معهد الموسيقى مع زملائها الفنانين، قائلة:« دفعتي كانوا أكبر مني كلهم وكانوا شاطرين جدا في المزيكا ومنهم محمد نور ورامي صبري وأحمد سعد، وكان كلهم أولاد وعارفين بعض».
وتابعت مروة نصر: «لما كنا بنطلع رحلة لازم أحمد سعد يكون موجود معانا في الرحلة دي، وعلى مدار أجيال كان معروف أنه أخف دم في المعهد».
وأضافت: «أحمد سعد مطرب عظيم وفي بداياته كان معروف أنه أخف دم بلا استثناء، وكمان حمادة الحلو ابن الفنان محمد الحلو ودياب، وكانوا جروب مع بعض من أيام المعهد وكل واحد فيهم ليه شكل معين وبيغني بشكل معين».
