أنوشكا: خايفة من "وش في وش" كأني ف الثانوية العامة

كشفت الفنانة أنوشكا عن سبب تركها الوسط الغنائي واتجاهها للتمثيل، موضحة أنها ترغب في تقديم أغاني من جديد، ولكن لم يعرض عليها ما يليق بمسيرتها، كما أنها ترغب في في تقديم برامج تليفزيونية مرة أخرى.

تصريحات أنوشكا 

وقالت أنوشكا خلال تصريحات تلفزيونية:" أنا عارفة إني غايبة عن الغناء شوية، ولكن مغبتش عن الغناء كتير بدليل إني عملت برنامج صالون أنوشكا وكان فيه غناء كتير، وفعلًا اهتمامي هيبقى غنائي سنتين تلاتة، ولكن لما بيبقى عندي عمل درامي مبقدرش اتحرك لأننا بنشتغل 17 ساعة، ودي اللي بيخليني بعدت عن الغناء شوية، ولكن الغناء موجود".

وأضافت: "أنا حاطة ايدي على قلبي علشان فيلم وش في وش، لأنه أول فيلم طويل سعيدة به لأنه هينزل كمان أسبوع ومخضوضة وكإني داخله امتحانات ثانوية عامة".

فيلم وش في وش 

وتابعت أنوشكا:" أنا مستنيه فيلم وش في وش، جدًا لأنه فيلم اجتماعي له مغذى عميق للغاية ولكنه حاطط إيده على نقاط أسرية مفيش بيت مافيهوش الموضوع ده، ودايمًا حصرني في دور الأم وأنا بعتبر الأم دي هي الوتد والأساس لمستقبل قوي".

وعلقت على إمكانيتها عودتها لتقديم البرامج التلفزيونية، قائلة: "أنا بعتبر أن كرسي المذيع مش كرسي سهل أبدًا، واتعلمت من أبويا إني أبص للي في إيدي مش في اللي في إيد غيري، وكل واحد ربنا كارمه بقدرات معينة".