بسنت السبقي: محصورة في دور الـbad girl.. وهذا رأيي في من يعتزل ويعود
صرحت الفنانة بسنت السبقي العديد من التصريحات الجريئة، خلال حلولها ضيفة على برنامج “Face Off” الذي تقدمه الفنانة سارة نخلة على شاشة قناة "هي"، حيث تحدثت عن أعمالها الفنية، وخطبتها من الفنان تامر حسني.
تصريحات بسنت السبقي
وقالت بسنت السبقي: "المخرجين بيحصرونى فى دور الـ bad girl بسبب ملامح وشى الكيوت ولكن قادرة أنها تتحول وأنا بحب نوعية الأدوار دى لأنى مش بقلع هدومى الفكرة كلها انى متأكدة محدش هيعرف يعمل الدور دة زيي، لو طلع من حد تانى هيطلع بشكل عادى".
وأضافت:" دوري في فيلم أهواك هو شخصية المرأة العصرية والرياضية مش الفجة، واعتذرت عن دوري في مسلسل هبة رجل الغراب دور "ريهام حجاج" ومخفتش من المقارنة لأنى عارفة كل واحد ليه الحته بتاعته وانا بشوف لما الحاجة بتقف ف بتقف علشان دة خير".
وأعربت عن رأيها في اعتزال الفنانات وعودتهما مثل ميرهان حسين، حيث قالت السبقي:"الناس اللي كل شوية تعتزل وترجع دى ناس معندهاش مضمون ممكن شكلها حلو وبتلبس حلو بس كمشاهد بيفهم هيزهق أو هيشوفها مرة والتانية وبعد كدة خلاص طول ما انتى شغالة على نفسك بينك وبين نفسك ربنا هيبعتلك الرزق لحد عندك".
وتابعت بسنت السبقي: "أنا كنت موديل إعلانات، وبعدين بقيت مذيعة أخبار وبعدين ممثلة، بس الهواية عندي تمثيل.. ابتعدت شوية عن التمثيل وتقديم نشرات الأخبار، ثم عدت كممثلة من خلال مسلسل اَدم، وسبب الابتعاد لإني كنت مخطوبة وكان خطيبي رافض تماما إني أشتغل في الميديا.. كنت ساعتها مراسلة ومذيعة فوافقت على رأيه ومكملتش في الشغل، بس عمري ما هعمل كده تاني".
خطوبة بسنت السبقي من تامر حسني
وأكدت: "أنا كنت مخطوبة للفنان تامر حسني وهو اللى خلاني أسيب الميديا في بداية حياتي المهنية، الموضوع ده كان من زمان وانتهى.. بس إحنا أصدقاء جدا، واشتغلت معاه في مسلسل اَدم، مكنش له رغبة اشتغل.. مبيحبش إن حد يضايقني أو يزعق لي".
وأكملت: "انفصلت عن تامر حسني في هدوء، وبدون مشاكل بدليل إني بعدها اشتغلت معاه في مسلسل اَدم، وهو بني اَدم محترم".
