سر وفاة زيزي مصطفى بسبب إحدى الفنانات.. تغريد فهمي توضح
كشفت الفنانة تغريد فهمي، العديد من الأسرار خلال حلولها ضيفة في برنامج "المنسي" المذاع على قناة “هي”، وتحدثت عن علاقتها بالفنانة الراحلة زيزي مصطفى.
تصريحات تغريد فهمي
وقالت تغريد فهمي: "زيزي مصطفى ودلال عبد العزيز من أكثر الفنانات اللي كانوا قريبين مني جدا، زيزي مصطفى كانت حبيبتي أوي ومكنتش بتسيبني ولا كنت بسيبها لحد لما توفت كنا صحاب جدا".
وأضافت: "زيزي مصطفى توفت بسبب فنانة موجودة دلوقتي .. كانت متجوزة الفنان يسري مصطفى وكانت قاعدة معاه فترة طويلة وهو مريض في المستشفى ولما ربنا شفاه وشد حيله الفنانة دي خطفته من زيزي واتجوزته، وزيزي مقالتش وبقينا أنا وهي بس اللى عارفين، والفنانة دي كانت بتدخل بيت زيزي مصطفى قبل ما تخطف جوزها والموضوع ده أثر عليها وانهارت لما بقى الموضوع اتعرف وزعلت جدا".
زواج زوج زيزي مصطفى من فنانة أخرى
وتابعت: “زيزي كانت ساكنة في أرض الجولف، وقالت لي مش عارفة أعمل إيه مع يسري مصطفى، ولقيته ندم جدا على إنه اتجوز عليها، وقال لي كنت كل لما أدخل البيت ألاقي زيزي مصطفى قدامي على الشاشة”.
واختتمت: "وربنا عاقبني إن الممثلة اللي اتجوزتها كانت بتدعي عليا في الفجر، وهي كانت متجوزاني علشان مصلحة وشغلها، ولما معملش اللى هي عايزاه تركته، وبدأت تشتغل من فترة".
