بتعرف تتكلم.. المذيعة أميمة بدري تتعافى من "فقدان النطق المفاجئ"

كشفت المذيعة أميمة بدري، مراسلة شبكة قنوات “DMC” تعافيها من إصابتها بالسكتة الكلامية وفقدان النطق المفاجئ بسبب الحزن الشديد الذي تعرضت له، حسبما أوضحت.

أخر تطورات الحالة الصحية لـ أميمة بدري 

وقالت أميمة: "شكرًا لله وشكرًا ليكم بفضل دعواتكم.. الحمد لله أنا بقيت كويسة خلاص فاضلي حاجات بسيطة إنما أنا بقيت تمام الحمد لله وبعرف أتكلم".

وكانت قد أثارت أميمة بدري الجدل، بعدما  نشرت مقطع فيديو خلال حسابها الشخصي على مواقع التواصل الاجتماعي “فيس بوك” توضح فيه تعرضها لفقدان النطق وطالبت بالدعاء لها.

وعلقت على الفيديو قائلة:" شكرًا لكل حد بيسأل وبيطمن عليا بس ده حالي وصوتي طلع حبه الصبح ومكنش في أي صوت ولا حركة في شفايفي ولسه تعبانة فمش عارفة ولا قادرة اتواصل معاكم قولت اطمنكم بحالي هنا أسهل .. دعواتكم والحمد لله على كل شئ".

وأضافت:" بقولكم  آسفة لكل حد بيسأل وبيطمن عليا  بس مش عارفه أرد  ادعولي أكون كويسة ".

أميمة بدري تفقد النطق 

وأوضحت أميمة في الساعات القليلة الماضية سبب نقلها إلى المستشفى، قائلة:" الحمد لله رب العالمين على كل حاجة حصلت ليا أنا بكتب وأنا مش قادرة أطمنكم أنا روحت المستشفي  وعملت الأشعة المقطعية على المخ الحمد لله مفيش جلطه بس للأسف فقدت النطق".

وتابعت:" بسبب إني زعلت جامد ادعولي دعوة صادقة أنا محتاجة لدعواتكم وشكرا لكل اللي بيكلمني بس حرفيا مش قادرة من الصدمة".

وأضافت:" أنا دكتور كتبلي أدوية وقالي لازم ارتاح تماما وخلال ٣ أيام لو مش اتحسنت ورجعت اتكلم هتابع مع دكتور أعصاب واعمل جلسات كهرباء لأعرف أتحسن".

وطالبت أميمة من الجمهور قائلة:" ادعولي اعرف انطق تاني وارجع لحياتي أنا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفي دعواتكم".