زوجة علي الحجار عن علاقتهما: زواجنا استمر 20 سنة.. ومش عشان ارتبط كتير يبقى مزواج

تحدثت هدى زوجة الفنان علي الحجار، عن محبتها لسماع صوت زوجها وهي يطرب، وعن مدى حبها لأغانيه، ودعمها لمشواره الفني، وكذلك تطرقت إلى أزمة مشروع 100 سنة غناء.

تصريحات زوجة على الحجار

وقالت زوجة علي الحجار:" مقدرش أسيبه وأنا مثل الجمهور أحب أستمتع بغناه، أنا باجي زي الناس لأن دي المتعة بتاعتي، وبعدين عشان أنا مراته بقى واقفة جنبه وبشوف عايز حاجة كل شوية".

وأكدت زوجة علي الحجار، أنها تحب أغانيه جمعيها، وخاصة أغنية أنتي طلعتيلي منين وأغنية عارفة التي بدأ بها مغازلتها في بداية علاقتهما وكذلك بطلة حكايتي.

وأجابت زوجة علي الحجار أيضًا على فكرة ترددها في الزواج منه:" قبل ما نتجوز فضلنا صحاب فترة، وعرفته على حقيقته، هو مش عشان ارتبط كتير يبقى مزواج، لا هو شخص طبيعي حظه مش حلو زيه زي أي شخص في الدنيا، وهو كشخصية مفهوش عيوب تخليني أخاف منه، وسنوات زواجنا العشرين تثبت صواب رأيي".

وعن مشروع 100 سنة غناء أوضحت: "أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجأة حد يروح طالع بيه وعايز ينجح بيه واللي حواليه يدعموه بيه، يعني وجع قلبه عنده حق، وهنفضل وراه لغاية ما ياخد حقه، علي لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي".

مشروع 100 سنة غناء

وكان قد أعرب علي الحجار عن استيائه الشديد من الاستحواذ على مشروعه وتغيير اسمه هو عودة الحق له، قائلا: "الصياغة لهذه الأزمة أن حقي يرجع لي ويطلعوا يقولوا ده مشروعي، ولو مدحت صالح أو خالد داغر عرفني إنه هيعمل حاجة زي كده كنت هكلمه وأقوله أنت عارف إن ده مشروعي".

وتابع: "حلمي كان الدولة تنفذ المشروع لأن مش هينفع قطاع خاص مش هيقدر ينفذه، كنت أتمنى مدحت صالح يتواصل معي قبل الإعلان عن مشروع الأساتذة، وما حدث ليس توارد أفكار بنفس أفكاري وكلامي، معبرًا عن أمنيته ألا يصل الموضوع للقضاء".