أول رد من تامر عاشور على عمرو مصطفى: قليت في نظري.. كان ممكن تاخد حقك قانوني
هاجم الفنان عمرو مصطفى خلال تصريحاته في برنامج “حبر سري” مع الإعلامية أسما إبراهيم، العديد من المطربين، واتهمهم بسرقة ألحانه، وكان أبرزهم الفنان رامي صبري وتامر عاشور.
رد تامر عاشور على عمرو مصطفى
وخرج الفنان تامر عاشور عن صمته، ورد على اتهامات عمرو مصطفى عبر حسابه الرسمي بموقع التواصل الاجتماعي فيسبوك، قائلا: «رداً على عمرو مصطفى أغنية “الرك على النيه “ ألحان عمرو مصطفى وف اي حفله ومكان بقول كده والملحن اللي باعهالي ”المُقتَبِس الحقيقي ” عمرو مصطفى مجبش سيرته نهائي مش عارف ازاي مع إنه عارفه من ٨ سنين لما قفلنا الموضوع ده "انا وهو " في مكالمتنا مباشرة».
وأضاف:«وبعدين أنا مالي ده صِراع مُبدعين ويقدر ياخد حقه قانوني ويوقفها محدش منعه أنا أداه على كلامه ده غير إن الاستعانه بعمرو مش صعبه واشتغلنا مع بعض اغنيه "انطق"».
أزمة عمرو مصطفى وتامر عاشور
وتابع:«كل الحكايه انه معرفش يجاوب على السؤال "الصناعه انهارت ازاي وانت عمود من عمدان الصناعه ؟ السؤال اللي مش هتلاقي له إجابه مهما توّهت الناس اللي كلهم قالولك أنك مجاوبتش بمنتهى الوعي .. وأنا الحقيقه كنت مُنتظر إجابتك علشان اقولك الصناعه فيها كام عمود غيرك وكام مُطرب عمل تاريخ وعلامات من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك».
واختتم:«أني احترمتك أو على حد قولك ان تامر وهو بيكلمني "كان واقف كدهو " طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن ان فيه حد عموما احترمك وكأنه حدث جلل لأستاذ كبير زيك».
