حنان شوقي: الناس بتدور على مخارج الشيطان.. وأنا محجبة سمعا وقلبا
تحدثت الفنانة حنان شوقي على شائعات ارتدائها الحجاب، وكذلك عن أزمة الفنانة حلا شيحة ورغبتها في العودة للتمثيل مرة أخرى.
تصريحات حنان شوقي
وقالت حنان شوقي خلال لقائها في برنامج "قعدة ستات": لما بتكلم عن الحقيقة بيدوروا على مخارج الشيطان اللي متغاظ، وأنا بعرف أرد على الناس وبقول مش أنت اللي خلقتني علشان تتحكم فيا، والبني آدم لما بيحب ربنا كويس جدًا عمره ما بيتعدى حدوده على الآخر، لأنه دع الخلق للخالق".
وأضافت: "أنت متعرفش العلاقة بيني وبين المولى عز وجل، أنا محجبة مين قال إني مش محجبة، تقصدي لبس الشغل؟ ولا على قلبي؟ أنا محجبة سمعًا وقلبًا وروحًا وعينًا وكلامًا وأفعال، من أتى الله بقلب سليم.. أقوى حجاب في الكون اسمه حجاب الجوارح، أنا بحترم أي إنسان في الوجود، أعمل اللي أنت عايزه وحاسه بصدق، أنا لا أتعدى حدود الآخر".
حجاب حنان شوقي
وأضافت: "أنا محجبة حجاب غالي جدًا، وسمعت من ناس كانت بتقول على الحجاب لبس الشغل وده أيام العالم الإرهابية، لما كانوا منتشرين وجالهم حد لابس بدلة قالوا له أنت مش لابس لبس الهيئة ليه؟".
حنان شوقي عن أزمة حلا شيحة
كما علقت حنان شوقي، عن رأيها في أزمة الفنانة حلا شيحة الأخيرة، قائلة: "أنا مبقرأش الحاجات اللي في صفحة حلا، أنا مع نفسي بس، إنما الحالة بتاعة حلا لا يعلمها إلا اللي خالقها، وأنا بحترم كل آرائها، وهي حرة أنها ترضي جوزها لو طلب منها تتحجب".
