وفاء عامر: كان بيتنصب عليا في الوسط الفني.. وفخورة بـ "حين ميسرة"

تحدثت الفنانة وفاء عامر عن أسرار بداية مشوارها الفني، قائلة:"بدأت مشواري الفني بالإعلانات قبل التمثيل وأول إعلان ليا كان ماما كريمة، وأول أجر ليا كان 1000 جنيه".
 

تعرض وفاء عامر للنصب

وأضافت وفاء عامر:"اتنصب عليا كتير في أعمال فنية وبسيب فلوسي وإلا مكنتش هشتغل".
 

تصريحات وفاء عامر

وتابعت وفاء عامر:"لو رايحة اتخانق مع منتج علشان خد مني فلوس اخد أختي أيتن عامر، وفخورة بفيلمي كف القمر وحين ميسرة، ومفيش ولا فيلم أنتجه ليا زوجي محمد فوزي".

وكانت قد أثارت الفنانة وفاء عامر، الجدل بتصريحاتها: "لو الست جوزها خانها هي اللي غلطانة لأنها معرفتش تختار الراجل اللي يحافظ عليها، وغلطانة لأنها كمان معرفتش تختار أب لأولادها".

تصريحات وفاء عامر عن الخيانة 

وأضافت خلال لقائها ببرنامج "الستات مايعرفوش يكدبوا" المذاع على قناة "سي بي سي": "الست تبقى غلطانة لو طلبت الطلاق لما تعرف بخيانة زوجها لأن البيت كده هيتهد بسببها وهيبقى فيه ولاد مشردين ومعقدين".

وتابعت وفاء عامر: "الست اللي جوزها يخونها هي اللي غلطانة لأنها سابته يخرج منها ومكنتش عارفة كل تفاصيله".

في وقت سابق، قالت الفنانة وفاء عامر: "كنت بفتش في تليفون جوزي زمان، وبعدين توقفت علشان لقيت الدين بيقولي لأ مينفعش تعملي كده".