أحرجت ياسمين عز.. صاحبة أغنية مخصماك تفجر مفاجأت عن حياتها
حلت الفنانة المغربية نوال عبد الشافي، ضيفة في برنامج كلام الناس، تقديم الإعلامية ياسمين عز، وتحدثت عن نجاح أغنيتها مخصماك، التي حققت نجاحًا كبيرًا في الوطن العربي.
تصريحات نوال عبد الشافي
وقالت نوال عبد الشافي:" اتعاملت مع ناس ليهم اسم في الأغاني، ولقيت نفسي بعمل نفس الحاجة اللي بتعمل وقلت إني كده مش هختلف عن الناس التانية، وكنت مقتنعة إني علشان أنجح لازم أكون مختلفة ففي حد من السوشيال ميديا اسمه مادا قال لي أكلم المنتج مصطفى السويفي روحنا وقابلناه سمعته الأغاني اللي عندي قال لي سيبي الأغاني دي، وقال لي يومين وهجيب لك أغنية حلوة، وفعلا بعد يومين قال لي عندي ليك أغنية تحفة".
وأضافت نوال الشافعي:" اتفاجئت إن المنتج مصطفى السويفي عرض عليا أغنية مخصماك، قلت له إزاي أنا هغنيها ومكنتش عارفة أغني الكلام، لكنه أصر وقال لي لو مغنتهاش مش هنشتغل مع بعض".
وتابعت: "كان تفكيري رايح أعمل أغنية حلوة مش مهم لهجتها إيه، وأغنية مخصماك كانت أول أغنية فيها تفاعل مع الناس وكانت وش الخير عليا".
جنسية نوال عبد الشافي
وكشفت نوال عبد الشافي عن جنسيتها قائلة:" الناس كانوا فاكرين إني مصرية، علشان أغنية مخاصماك فيها كلام كتير مصري، ومصر بلدي الثاني وأعتبرها بيتي، ولكني مش عايشة في مصر، وباجي كتير وخصوصا بعد ما قررت إني لازم أغني، وبقيت أسمع الكلام الجديد في الشارع المصري، واحتكيت بناس كتير، وده خلالني ألقط كلمات".
نوال عبد الشافي تحرج ياسمين عز
وأحرجت نوال عبد الشافي ياسمين عز بعد حديثها عن الزوجة المغربية، حيث قالت: "أنا عارفة إن في ثقافتكم الفرعون حاجة تتشال على الراس وسيدات المغرب من أكتر السيدات اللي بتكون حريصة على زوجها أو شريك حياتها وبتكون أصل الدلع ونادرا ما تقول له مخصماك".
لترد نوال عبد الشافي قائلة: "مين قال لك الكلام ده، الست المغربية تحب إن الراجل يديها كامل حقوقها علشان تدي له، ولازم تدلع وتكون مبسوطة وبعدين يلاقي المقابل لأن فاقد الشيء لا يعطيه".
