أحمد السبكي: تامر حسني أكبر مزور وفيلمه أقل إيرادات في السعودية

صدم المنتج أحمد السبكي الجمهور، بتصريحاته الجريئة عن الفنان تامر حسني بشأن فيلمه الآخير تاج، بعدما أكد تامر أنه أعلى إيرادات في أفلام موسم عيد الأضحى 2023.

تصريحات أحمد السبكي 

وقال السبكي خلال تصريحات تليفزيونية متداولة: "تامر حسني أكبر مزور، أنا بقولها صراحةً واللي ييجي يواجهني يواجهني، ويثبتلي، وأقل إيرادات في السعودية تامر حسني".

فيلم تاج

ويعد فيلم تاج لـ الفنان تامر حسني، بطولة كل من: دينا الشربيني، ساندي، هالة فاخر، وتدور أحداثه في إطار كوميدي اجتماعي، حول الشقيقين التوأم تاج  وهارون، واللذان يمتلكان قدرات خارقة.

الهجوم على فيلم تاج 

ويعد ذلك ليس الهجوم الأول على تامر حسني، بشأن فيلمه تاج، حيث كانت قد هاجمت الإنفلونسر فرح هريدي، تامر حسني، قائلة:" أنا طلعت كومبارس في فيلم تامر حسني الجديد بس محدش قال لي، واللي حصل أن القائمين على الفيلم كلموني وقالوا لي إن تامر حسني بيعمل فيلم جديد وعايز يعمل معايا ومع كذا انفلونسر محتوى مقابل إننا هنعمل معاه فيديوهات على حساباتنا بمواقع التواصل الاجتماعي".

وأضافت فرح هريدي: "قالوا لي مفيش فلوس هو يوم بالحب وتامر نفسه مش هياخد فلوس على اليوم دا، وقالوا هيكون فيه 15 شخص بس ومع الأسف كل دا كان أي كلام، ولقيت ناس كتير وكنت أنا وباقي الانفلونسرز واقفين في النص ووقفونا وبدأوا يصوروا واتضايقنا وقولنا عادي هنخلص عشان نبدأ بعدها نصور الفيديوهات الخاصة بينا".

وتابعت فرح هريدي: "قعدنا ساعتين في التصوير ولقينا فجأة تامر حسني وقالوا لنا يلا اتصوروا معاه بسرعة عشان نمشي وكل واحد اتصور صورة واحدة، وأنا مكنتش عارفة إني هطلع في الفيلم ومخدتش جنيه وكلنا مكناش راضين عن اللي بيحصل".