محمد صبحي باكيًا: اتعرض عليا وزارة الثقافة 4 مرات.. وأعيش في سجن انفرادي

تحدث الفنان محمد صبحي، خلال تصريحات تلفزيونية، اليوم الأحد، عن الأعمال التي تقدم منذ بداية عشرينيات القرن الماضي، مؤكداً أن هناك أعمال توصف بأنها إسفاف لكنها لم تكن السائدة.

تصريحات محمد صبحي

بكى الفنان محمد صبحي: «أنا حزين ولا أتسول، أنا بشتغل وبكسب.. بشتغل لوحدي وحاسس إني في سجن كبير وللأسف أنا مظلوم إني مسجون في زنزانة انفرادي».

وأضاف: «أنا طلبت حد معني من الجمهور أو الدولة يضع قائمة بكل عباقرة مصر من أول القرن الماضي حتى اليوم»، معقبا: «والله العظيم هنتكسف».

وطالب بضرورة وجود وزير إعلام له سياسة إعلامية وليست هيئات، موضحا: «مش لازم القنوات تجري على التريندات والتفاهات»، مؤكدا: «أنا مهموم بالثقافة والفن على أنها معول ممكن أن يبني أو يهدم».

وتابع محمد صبحي الصحفي سيد علي بقناة "الحدث اليوم":"انا ليست لي مشكلة ولا عايز أمثل ولا عايز اشتغل، أنا شغال في حتة لوحدي وعلي جنب والناس هي اللى بتيجي، ولكن انا آسف بدافع عن ريادة بلدي ووطني ومش المفترض أفهم في كل حاجة، واتعرض على وزارة الثقافة 4 مرات وأدنت الدولة في ترشيحي لأني لا اصلح وزيرا للثقافة، فيه غيري احسن مني كان ينفعوا".
 

محمد صبحي يتسائل: أين وزيرة الثقافة؟

واستطرد صبحي: "النهاردة وزيرة الثقافة شوف كام سنة واحنا مشوفنهاش ولا طلبت الفنانين تقعد معاهم ولا تخاطبهم علشان تعرف ايه مشاكلهم، احنا خلاص بنعمل دليفري وبنفذ غصب عننا ما يريد اعدائنا ان احنا نغيب ونعمل اعمال تافهة، هل من مصلحة عدونا اننا نعمل تعليم عظيم؟ هل من مصلحة عدونا اننا نعمل فن راق يسمو بالوجدان؟ هل عدونا يتمنى لنا النجاح؟ ايه اللى بنعمله ده؟".

بكاء محمد صبحي 

وبكى محمد صبحي علي الهواء، قائلا:"أنا حزين علي حال بلدي، انا لا اتسول انا بشتغل واكسب وبقول قدام الدولة، ومسرحي بقاله 7 سنين في الصحراء بس الجمهور اللي من حزب الكنبة اللى مبينزلوش الا للفن الراق اللي بيخاطب العقول ومبينزلوش الشارع خوفا علي بلدهم، انا بشتغل لوحدي وحاسس اني في سجن كبير بس مظلوم لإني مسجون في زنزانة انفرادي".

وتابع:"يا اخواننا عيب احنا مش صغيرين احنا تعبنا واتعلمنا من اللى احسن مننا واتربينا علي ايد اللى احسن مننا، فيه مشكلة بطالب ان يكون هناك وزيرا للثقافة وللإعلام يحملون خريطة حقيقية وهدف حقيقي عايزين يحققوه".