عايدة غنيم: الرجالة ما يملاش عينها غير التراب

قالت الفنانة عايدة غنيم أثناء حلولها ضيفة برنامج كلام الناس، تقديم الإعلامية ياسمين عز : "أنا حاليا منفصلة وأرفض أن حماتي تاخد مفتاح شقتي، علشان منخسرش بعض ونبقى حبايب ولازم كل واحد يبقى له حياته الخاصة اللي مينفعش حد يتدخل فيها".

تصريحات عايدة غنيم 

وأضافت عايدة غنيم : "فيه رجالة ميملاش عينيها غير التراب وفيه رجالة كويسة، بس انا بعذر كل الناس بسبب الظروف الصعبة اللي بتواجه كل الأسر المصرية".

ولفتت عايدة غنيم: "مقفلتش باب الجواز ولكن مش هرتبط بأي حد لإني لا أحب تكرار التجربة وأفشل فيها".

انفصال عايدة غنيم عن أحمد عاشور

وأعلنت الفنانة عايدة غنيم انفصالها عن زوجها السيناريست أحمد عاشور، مشيرة إلى أن الطلاق تم في شكل ودي ودون أي خلافات.

وكانت قد حسمت عايدة غنيم جدل طلاقها عبر حسابها الشخصي بموقع التواصل الاجتماعي فيسبوك، قائلة:" لكل من يسألني على صحة الخبر.. الخبر صحيح والطلاق تم بشكل رسمي من السيناريست أحمد عاشور، وفي إطار من الهدوء والاحترام ودون أي خلافات وشكرا للجميع. ولم تكشف عن تفاصيل الطلاق".

تفاصيل مقتل والدة عايدة غنيم

كشفت الفنانة عايدة غنيم، تفاصيل مقتل والدتها على يد ابن الجيران المدمن بدافع سرقة مبلغ مالي، وبكت عايدة غنيم، على الهواء، بعد تذكرها مشهد مقتل والدتها، قائلة:"قتلها بدم بارد وهي كانت بتعتبره زي ابنها".

ولفتت:"كنت بعمل بروفات في المسرح مع بثينة رشوان، وكانت حريصة علي الاتصال بوالدتها للاطمئنان عليها ولكنها لم تجب لذلك أسرعت إلى المنزل لتجدها ملقاة على الأرض مقتولة ودماء على جسدها وظللت أصرخ وتعرضت حينها لإغماء ولم أتذكر بعد ذلك شيئا".

وأضافت عايدة غنيم:"قتلها علشان كان عايز فلوس واستناها وهي طالعة وإيدها كانت بتوجعها فمش قادرة تفتح فطلبت منه يساعدها وبعدين دفعها جوا الشقة وقتلها خوفا إنها تطلع تفضحه، وقطع شرايين إيديها".

سيناريو مقتل والدة عايدة غنيم 

ولفتت:"أمي كان عندها سوبر ماركت كانت بتبقى قاعدة فيه وهي طالعة الشقة استناها وطلع وراها ونفذ فعلته وقتلها وسرق أموالها، ولكن اتقبض عليه في نفس اليوم واعترف بالجريمة". 
 

عقاب إلهي لقاتل والدة عايدة غنيم
وأكدت:"القاتل حكم عليه بالمؤبد 25 سنة ولكن كنت شايفة من قتل يقتل ولما ماخدش إعدام انهرت ولكن المحامي بتاعي قال لي كده أحسن الموت له رحمة ولازم يتعذب في الدنيا، وفعلا جاله انفصام في الشبكية واتعمى ووالدته خبطتها عربية وماتت وابنه اتولد وهو في السجن وكل ده عقاب من ربنا".

كواليس المشاركة في مسلسل الحاج متولي

وتحدثت عن كواليس مشاركتها في مسلسل الحاج متولي بعد 22 سنة من عرضه، إلى جانب حديثها عن سبب غيابها وقلة أعمالها الفنية بعد المسلسل.

وقالت عايدة غنيم عن اختيارها للمشاركة في المسلسل: "عايدة رياض قالت لي إنهم بيدوروا على دور لبنت نور الشريف، وأنا كان في دماغي أنه دور محوري، وحاجة أساسية، اتفاجئت لما محمد النقلي شافني قال فيها شبه من بطة ونعمة الله، فقال تاخد دور سعدية وجه في بالي إني هكون الشغالة في البيت فزعلت وعيطت".

وأضاف: "قلت لعايدة رياض أنتِ قلتيلي هعمل دور بنت نور مش دور خدامة قالتلي بصي أي حاجة في رمضان ومع نور الشريف حتى لو مشهد أطلعي وهتتشافي واتفاجئت وهما داخلين عليا بالورق لقيت الدور كبير، وبنت غادة عبد الرازق وفعلا اللي تخافي مه ما يطلعش أحسن منه".

وتحدثت عايدة غنيم عن لزمتها الشهيرة في المسلسل “مامتي”: قائلة:" هي دي لزمتي، وكنت بقولها لوالدتي، واستأذنت من محمد النقلي إني أقول الكلمة دي لـ غادة عبد الرازق في المسلسل علشان لازقة في لساني، ووافق، والناس كانوا بعد المسلسل بيقوفوني في الشارع ويندهولي بالكلمة دي".

وتابعت غنيم: "غادة عبد الرازق جميلة ولطيفة، وكنا بنهزر ونضحك ونجري ورا بعض، كنا في المسلسل عيلة بجد، وبنفطر ونتسحر مع بعض، والكواليس كانت حلوة جدا وحابين بعض".

وكشفت عايدة غنيم سبب رفضها المشاركة في مسلسل العطار والسبع بنات، بعد مشاركتها في الحاج متولي قائلة: "هو مش رفض بالمعنى ولكني مكنتش فاضية وبسافر، وكمان مكنتش حاساه دور كبير، ولكني حسبتها غلط، ومكانش فيه حد يوجهني صح، وكنت فاكره بعد الحاج متولي هعمل بطولات زي غادة عبد الرازق وسمية الخشاب وده غباء مني".