لميس الحديدي ساخرة: الساحل الشمالي متلألئ.. وفي الصعيد الكهرباء مقطوعة 7 ساعات

قالت الإعلامية لميس الحديدي: مش قادرة أفهم يعني إيه قطع الكهرباء على رأس الساعة ولا ديل الساعة، رأس الساعة اللي أعرفها هي بتاعة النشرة الإخبارية".

تعليق لميس الحديدي على انقطاع الكهرباء

وتابعت خلال برنامج “كلمة أخيرة” المذاع على قناة “أون إي”: "نعرف إزاي الساعة اللي هتقطع فيها الكهربا عندنا".

تخفيف أحمال الكهرباء

وأضافت: "مجلس الوزراء قال إن تخفيف الأحمال هينتهي منتصف الأسبوع المقبل، هل البيان الجديد من شركة الكهرباء يعني استمرار تخفيف الأحمال؟".

أزمة انقطاع الكهرباء

وأكملت: "يقلقني أن فترة انقطاع الكهرباء قد تمتد إلى ما بعد الثلاثاء المقبل، وقد يعني أن هذا نظام يدوم معنا لمدة طويلة".

واستطردت: "لو بنتكلم عن عدالة تخفيف الكهرباء لم تكن مطبقة وهناك مناطق في الصعيد تم فصل الكهرباء عنها بالـ7 ساعات وفي المعادي بالـ3 ساعات والساحل الشمالي متلألئ والعمارات تحت الإنشاء مليئة بالإضاءة هذا ليس سلوك دولة تعاني من مشكلة كهرباء، هذه ليست عدالة توزيع الأضرار".

كهرباء الساحل الشمالي

ولفتت: "الساحل الشمالي مولع كهرباء بشكل مستفز وفي المناطق السكنية خاصة الصعيد والمحافظات الكهرباء يتم انقطاعها بالساعات".

محطات الطاقة الشمسية 

وتسائلت:"اين المحطة الشمسية في أسوان، واين طاقة الرياح؟ وأين الطاقة النظيفة؟ أرجوكم قولوا للناس إمتى ده هيخلص وما تقولوش نصف الأسبوع".

الموجة الحارة 

وأشارت: "إذا كانت الموجة الحارة مستمرة آخر يوليو الجاري وفقًا لناسا ليه نصف الأسبوع؟ إيه المتغير هيكون جبت غاز أو استوردت مازوت، كنت أتمنى نفهم ليه تقليل الغاز لمحطات الكهرباء".

أكدت: "الناس في الصعيد بتصرخ والكهرباء مش رفاهية وعلشان يحصل الأزمة الطارئة أرجو إننا نفهم، وأنا بتكلم كمواطن هتعوضني إزاي؟ في فاتورة الكهرباء ولا هتطلع تعتذر لي، الناس بتتقلي من الحر كبار السن والمرضى والناس اللي بتتحبس في الأسانسيرات واللي مش عندهم مياه، عايزين نعرف من سبب الأزمة ومين اللي غلطان وهتنتهي إمتى".