عمرو أديب متعجبا: القضاء عزل مرتضى منصور مرتين بيقعد مع اللاعيبة بصفته أيه؟

قال الإعلامي عمرو أديب، إن القضاء عزل مرتضى منصور مرتين، معلقا: بيقعد مع اللعيبة بصفته إيه، عاوزين البلد فيها قانون ولا عاوزين فيها مرتضى.. مفيش حد في البلد قادر يقول له بلاش الحاجات القبيحة دي.

عزل مرتضى منصور

وأضاف عمرو أديب خلال تقديمه برنامج الحكاية المذاع على MBC مصر: ميدو طالع يقول إن عندي مشكلة مع مرتضى.. يا ميدو أنا مشكلتي مع مرتضى بدأت بسببك لما قالك هعلقك في الاستوديو فاكر أنت اتقال بيتعمل فيك إيه؟.

وأردف عمرو أديب: إسالوه فين حزب الإخلاص بتاع الكبدة؟.

ميدو يرد على عمرو أديب

وفي تصريح سابق لـ أحمد حسام ميدو، نجم الكرة المصرية السابق، رد على تصريحات الإعلامي عمرو أديب بشأن أُمنية لاعبي الزمالك في الانتقال إلى صفوف الغريم التقليدي النادي الأهلي، قال ميدو: معنديش مشاكل مع الإعلامي عمرو أديب، وعلاقتي بيه جيدة جدا، لكن مينفعش يطلع يقول إن لعيبة الزمالك كلها نفسها تروح الأهلي، إيه الدليل اللي معاك على الكلام ده؟.

وأضاف أحمد حسام ميدو: كلامك يا أستاذ عمرو يضر النادي جدا، أحسن لاعب في مصر وهو أحمد سيد زيزو لسه مجدد في الزمالك وكان عنده عروض من الأندية المنافسة في مصر.
وأكمل ميدو: لعيبة الزمالك معظمها لسه مجدد، ومفيش غير 3 أو 4 بس عقودهم بتنتهي والناس شغالة على التجديد.